ފިތުރު އީދު ފާހަގަކުރުމަށް ހާއްސަ ތަޖުރިބާއެއް ހޯދަން ކްރޮސްރޯޑްސް މޯލްޑިވްސްއިން ރަނުގެ ފުރުސަތެއް ހުޅުވާލައިފި އެވެ.
ރާއްޖޭގެ އެންމެ މަޝްހޫރު އެއް ޓޫރިޒަމް މަންޒިލްގެ ގޮތުގައި އޮތް ވޯލްޑްކްލާސް ތިން ރިސޯޓުގައިވެސް މި އުފާވެރި ދުވަސް ފާހަގަކުރުމަށް ވަނީ ފުރުސަތު ހުޅުވާލާފަ އެވެ.
ކްރޮސްރޯޑްސް މޯލްޑިވްސްއިން މިއަހަރު ގެނެސްދެނީ ދިވެހި ސަގާފަތާއި ޒަމާނީ މުނިފޫހިފިލުވުމުގެ ހަރަކާތްތައް އެއްކޮށްލައިގެން ތައްޔާރުކޮށްފައިވާ ހާއްސަ ޕްރޮގްރާމެކެވެ.
ކްރޮސްރޯޑްސްއާ އެކު ފާހަގަކުރާ އީދަކީ ހަނދާނުން ފޮހެނުލެވޭނެ ތަޖުރިބާއަކަށް ވާނެކަމުގެ ޔަގީންކަން އެފަރާތުން ދެއެވެ.
އީދު ދުވަހުގެ މަޖާ ފެށިގެންދާނީ ދިވެހި އާދަކާދައިގެ ތެރެއިން ކޯޑި ނެގުމުގެ ހާއްސަ ހަރަކާތަކުންނެވެ.
މީގެ އިތުރުން ބޮޑުބެރުގެ ފަރި ހަރަކާތާއެކު މާލި ނެށުން ބޭއްވުމަށް ހަމަޖެހިފައިވާއިރު، ދިވެހިންގެ އާދަކާދައާއި ސަގާފީ ތަރިކަ ދައްކުވައިދޭ އެތައް ޝޯއެއްވެސް ކުރިއަށް ގެންދެވޭނެ އެވެ. ލައިވް ޑީޖޭ އަދި ބޭންޑްތަކުގެ ފަރި ހަރަކާތްތަކުގެ އިތުރުން ހާއްސަ އީދު ބުފޭއެއްވެސް އިންތިޒާމު ކޮށްފައިވެ އެވެ.
ކްރޮސްރޯޑްސްގައި ފާހަގަކުރާ އީދުގައި ޒަމާނީ ވޯޓާ ސްޕޯޓްސްގެ ކުޅިވަރުތައް ކުޅުމުގެ ފުރުސަތުވެސް ފަހިކޮށްދީފައިވެ އެވެ. އަކުއާ ޒުމްބާ، ޕޫލް ވޮލީބޯލް، ވޯޓާ ޕޯލޯ ފަދަ ޒަމާނީ ކުޅިވަރުތައް ކުޅެވޭނެ އިންތިޒާމު ހަމަޖެހިފައިވާއިރު، ސަގާފީ ހަރަކާތްތަކާ ޒަމާނީ ކުޅިވަރުތަކުގެ ތަޖުރިބާއެއް އެއްތަނަކުން ތަޖުރިބާ ކުރުމުގެ ފުރުސަތުވެސް ލިބިގެންދާނެ އެވެ.
ކާނާގެ ރަހަތަކަށް ޝައުގުވެރިވާ ފަރާތްތަކަށް ހާޑް ރޮކް ހޮޓެލްގެ ކެންކޫން އަދި ކަބޯ ސަން ލުކާސް ރެސްޓޯރަންޓްތަކުގައި ހާއްސަ މީރު ކެއުންތަކުގެ ބުފޭއެއް ތައްޔާރުކޮށްފައިވެ އެވެ. ދިވެހި އަދި ދުނިޔޭގެ ފެންވަރުގައިވެސް ފާހަަގަކުރެވޭ ކާނާގެ އެންމެ މީރު ރަހަތައް މި ބުފޭއިން ލިބޭނެ އެވެ.
ކްރޮސްރޯޑްސް މޯލްޑިވްސްގެ ފިތުރު އީދު ޕެކޭޖުގެ މައުލޫމާތު ވެބްސައިޓުން ލިބޭއިރު ކްރޮސްރޯޑްސް މޯލްޑިވްސްގެ ކަސްޓަމާ ސާވިސް ނަންބަރަށް ގުޅައިގެންވެސް ލިބޭނެ އެވެ.