ގދ. ހޯނޑެއްދޫގެ އެކި ތަންތަނުގައި އަލިފާން ރޯކޮށް ހުޅުޖަހާތީ އެ ރަށު ކައުންސިލުން ކަންބޮޑުވެއްޖެ އެވެ.
ހޯޑެއްދޫ ކައުންސިލުން ނެރުނު ބަޔާނެއްގައި ބުނީ އެ ރަށުގައި ހުޅުޖެހުން އާންމުވަމުންދާ ކަމަށާއި އެއީ އަލިފާނުގެ ނުރައްކާތެރި ހާދިސާއެއް ހިނގާފާނެ ކަމަކަށް ވާތީ ކަންބޮޑުވާ ކަމަށެވެ.
ރަށުގައި ހުޅުޖެހުމުގެ އަމަލުތައް އިތުރުވުމުގެ ސަބަބުން ދަނޑުބިންތަކާއި ރައްޔިތުންގެ ރުއްގަހާއި މުދަލަށް ބޮޑެތި ގެއްލުންތަކެއް ލިބިގެން ދިއުމުގެ ފުރުސަތުވެސް އޮތް ކަމަށްވެސް ބަޔާނުގައިވެ ފާހަގަކޮށްފައިވެ އެވެ.
ބަޔާނުގައި ވަނީ އަލިފާން ރޯކޮށް އެ އަލިފާނުގެ ސަބަބުން އުފެދޭ ދުމުން އަވަށްޓެރިންނަށް އުނދަގޫވާ ގޮތަށް އަލިފާން ރޯކުރުމަކީ އާންމު އުނދަގުލާ ބެހޭ ގަވާއިދުގެ ދަށުން މަނާ ކަމެއްކަން ހަނދާންވެސް ކޮށްދީފަ އެވެ.
ބަޔާނުގައި އިތުރަށް ބުނެފައިވަނީ ގަވާއިދާ ހިލާފަށް އަދި ރައްކާތެރިކަމުގެ ފިޔަވަޅު އެޅުމެއް ނެތި އާންމު ތަންތާގައި އަލިފާން ރޯކުރުމަކީ މަނާ ކަމަކަށް ވާތީ އެކަން ކުރާ ފަރާތްތަކަށް ގަވާއިދުގެ ދަށުން ފިޔަވަޅު އަޅާނެ ކަމަށެވެ.
