ޑޮލަރު މާރުކުރަން ކަމަށް ބުނެ މަކަރާއި ހީލަތުން ފައިސާ ހޯދިކަމުގެ ތުހުމަތުގައި މީހަކު ހޯދަން އިއުލާނުކޮށްފި އެވެ.
މި މައްސަލައިގައި ފުލުހުން ހޯދަމުންދަނީ އަލީ އާޒިމް، ހ. ހަވިއްތަ / މާލެ (43އ) އެވެ.
ފުލުހުން ބުނި ގޮތުގައި އޭނާ ހޯދަނީ މ. ދިއްގަރު ޕޮލިސް ސްޓޭޝަނުން ތަހުގީގު ކުރަމުންދާ މަކަރާއި ހީލަތުން ޑޮލަރު މާރުކުރަން ކަމަށް ބުނެ ގިނަ އަދަދެއްގެ ފައިސާ އެކި ފަހަރު މަތިން ހޯދާފައިވާ މައްސަލައެއްގެ ތަހުގީގަށް މީހަކު ހާޒިރުކުރަން ބޭނުންވެ، އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާތީ އެވެ.
އޭނާ މިމަހުގެ 20 ވަނަ ދުވަހުގެ މެންދުރުފަހު 1:00 އަށް މ. ދިއްގަރު ޕޮލިސް ސްޓޭޝަނަށް ހާޒިރުވުމަށް ވަނީ އަންގާފަ އެވެ.
