ބޮލީވުޑްގެ މަޝްހޫރު ބަތަލާ އަދި މިހާރު ހޮލީވުޑްގައި ފިޔަ ޖަހަމުން އަންނަ ޕްރިޔަންކާ ޗޯޕްޅާ އަށް ވައިޓްހައުސްއިން ކޮންމެ އަހަރަކު އެއްފަހަރު ބާއްވާ އެނުއަލް ވައިޓްހައުސް ކަރެސްޕޮންޑެންޓްސް ޑިނާ ނައިޓަށް ދައުވަތު ދީފި އެވެ.
ކޮންމެ އަހަރަކުވެސް އެމެރިކާގެ ރައީސް ބަރަކް އޮބާމާ އާއި ފަސްޓް ލޭޑީ މިޝެއިލް އޮބާމާ ދެއްވާ މިފަރީކޮޅު އޮންނަނީ މިމަހުގެ ފަހުކޮޅު އެވެ.
ޕްރިޔަންކާގެ އިތުރުން ހޮލީވުޑްގެ މަޝްހޫރުތަރިން ކަމަށްވާ ބްރޭޑްލީ ކޫޕާ، ލޫސީ ލިއު އާއި ޖޭން ފޮންޑާ އަދި ގްލެޑީސް ނައިޓަށް ވެސް ވަނީ ދައުވަތު ދީފަ އެވެ.
މިހާއްސަ ފަރީކޮޅަށް ޕްރިޔަންކާއަށް ދައުވަތުދީފައިވީ ނަމަވެސް އޭނާ މިހަފްލާގައި ބައިވެރިވާނެ ކަމެއް އަދި ނޭނގެ އެވެ.
ޕްރިޔަންކާ މިހާރު އަންނަނީ އެމެރިކަން ޓީވީ ސީރީޒް "ކުއަންޓިކޯ"ގެ އާ އެޕިސޯޑްތަކުގެ ޝޫޓިން އާއި އޭނާގެ ފުރަތަމަ ހޮލީވުޑް ފިލްމު "ބޭވޮޗް"ގެ ވެސް
މަންޒަރުތައް ނަގަމުންނެވެ.
ވައިޓްހައުސް ކަރެސްޕޮންޑެންޓްސް ޑިނާ ނައިޓްގައި ޕްރިޔަންކާ ބައިވެރިވާނެކަން ނުވަތަ ނޫންކަން މިހަފްތާގެ ތެރޭގައި އޭނާ ހާމަކުރާނެ އެވެ.
ވައިޓްހައުސް ކަރެސްޕޮންޑެންޓްސް ޑިނާ ނައިޓަކީ އެމެރިކާގެ ނަން ހިނގާ މީހުންނާއި ހޮލީވުޑްގެ މަޝްހޫރުތަރިންގެ އިތުރުން ނޫސްވެރިންވެސް ބައިވެރިޔާ ހަފްލާއެކެވެ.
ޕްރިޔަންކާ ޗޯޕްޅާ