އިނގިރޭސިވިލާތުގެ ރާނީ އެލިޒެބަތްގެ 90 ވަނަ އުފަންދުވަސް ފާހަގަކުރުމަށް ކޭކެއް އެޅުމުގެ ފުރުސަތު ލިބުނީ ނާދިޔާ ހުސެއިނަށެވެ. މުސްލިމެއް ކަމަށްވާ ނާދިޔާއަކީ، ގްރޭޓް ބްރިޓިޝް ބޭކް އޮފްގެ ވިނާ އެވެ. ކޭކު ތައްޔާރުކޮށްފައިވަނީ ދަނބާއި އޮރެންޖް ކުލަ ބޭނުންކޮށްގެންނެވެ. ކޭކު އެޅީ ނާދިޔާގެ ގޭގަ އެވެ.
ރާނީ ކޭކު ފެޅުއްވީ ވެސް ނާދިޔާއާއެކުގަ އެވެ. އެ ޝަރަފު ނާދިޔާއަށް ލިބުނެ އެވެ. ކޭކާ މެދު ރާނީ ހުންނެވީ ހިންހަމަޖެހިލައްވާފަ އެވެ. ނަމަވެސް، ކޭކުގެ ފޮޓޯތައް އާންމުވުމާ ގުޅިގެން ނާދިޔާއަށް ވަނީ ފާޑުކިޔުންތައް އަމާޒުވެފަ އެވެ. ޓްވިޓާގައި ވަރަށް ފޯރީގައި ކޭކަށް ފާޑުކިޔަން ފަށައިފި އެވެ. ކޭކު ހުރީ އަރިވެފަ ކަމަށް ގިނަ ބަޔަކު ދަނީ ބުނަމުންނެވެ.
މި ފާޑުކިޔުންތަކާ ގުޅިގެން ނާދިޔާ ވަނީ ވާހަކަ ދައްކާފަ އެވެ. ނާދިޔާ ބުނީ އޭނާ ގޭގައި ކޭކު އެޅިއިރު ހުރީ ވަރަށް ބިރު ގަނެފައި ކަމަށާއި މުޅި މީހާ ތުރުތުރު އަޅާ ކަމަށެވެ.
ރާނީ ކޭކު ފެޅުއްވި ގަޑީގައި ވެސް ނާދިޔާގެ އަތް ތުރުތުރު އަޅަމުން ދިޔަ ތަން ވީޑިއޯތަކުން ފެނެ އެވެ.
"ވަރަށް ބިރު ގަނެފައި ހުރީ، ވަރަށް ނާވެސްވި، ރާނީއަށް ކޭކެއް އަޅައިދިނުމުގެ ފުރުސަތު ލިބުމަކީ ފަހުރެއް، ރާނީ މާޔޫސްކޮށްލަން އަހަރެން ބޭނުމެއް ނުވި،" ނާދިޔާ ބުންޏެވެ.
ކޭކު އެޅުމުގައި ގޯސްތަކެއް ހެދުނު ކަމަށް ވެސް ނާދިޔާ އެއްބަސްވެ އެވެ. ކޭކު ފެޅުއްވި ގަޑީގައި ވެސް ނާދިޔާ ހުރީ ކޭކު އިތުރަށް އަރި އަޅައިދާނެ ކަމަށް ވަރަށް ވިސްނައިގެންނެވެ.