އައްޑު ސިޓީގައި ރޭ ހިނގި އެކްސިޑެންޓެއްގައި އުމުރުން ދުވަސްވީ އަންހެނެއްގެ ފައި ބިނިދި ހިތަދޫ ރީޖަނަލް ހޮސްޕިޓަލްގައި އެ މީހާއަށް ފަރުވާ ދޭން ފަށައިފި އެވެ.
މި އެކްސިޑެންޓް ހިނގާފައި ވަނީ ޜޭ އިރާކޮޅު 9:45 ގައި އައްޑޫ ސިޓީ، ލިންކް ރޯޑުގެ މަަރަދޫ ސްލިޕްވޭގެ ބައިން ދުއްވި ޓެކްސީއަކުން ޖެހިގެނެވެ. އެކްސިޑެންޓްގައި އުމުރުން 79 އަހަރުގެ އެ އަންހެން މީހާގެ ގައިގައި ކާރުން ޖެހުމުގެ ސަބަބުން އަންހެން މީހާގެ ވައަތު ފައި ބިނދި ހަށިގަނޑަށް ބައެއް އެހެން ޒަހަމްތައް ވެސް ލިބިފައި ވެއެވެ.
އެ އަންހެން މީހާއަށް ހިތަދޫ ރީޖަނަލް ހޮސްޕިޓަލުގައި ފަރުވާ ދެމުންދާއިރު އިތުރު ފަރުވާއަށް މާލެ ގެނައުމުގެ މަސައްކަތް އާއިލާއިން ދަނީ ކުރަމުންނެވެ.
ރޭގެ އެކްސިޑެންޓް ހިނގަން މެދުވެރިވި ސަބަބުން ފުލުހުން ދަނީ ބަލައި ތަހުގީގު ކުރަމުންނެވެ.
އައްޑޫގެ މަގު: ރޭގެ ހިނގި އެކްސިޑެންޓްގައި ފައި ބިނދި ޒަހަމްވި މީހާ މާލެ ގެނައުމުގެ މަސައްކަތް ދަނީ ކުރަމުން