މޮނިކޮން އޯޑަރާއެކު ޓެގް އަޅުވާފައިވާ މީހަކު އެ އަމުރާ ހިލާފުވުމާއެކު ހޯމް މިނިސްޓަރަށް ލިބި ވަޑައިގަންނަވާ ބާރު ބޭނުން ކުރައްވާ އޭނާގެ ޝަރީއަތް ނިމެންދެން ޖަލަށްލާން އަމުރުމޮށް ޖަލަށް ބަދަލުކޮށްފި އެވެ. މޮނިކޮން އަމުރުގެ ދަށުން ޓެގް އަޅުވައި މޮނިޓާ ކޮރަމުން ދަނިކޮށް ގަވައިދާ ހިލާފުވީ ގ. ޝާރާޒް، މުޙައްމަދު މަފާޒް ޙުސައިން ސަލީމް 18، އެވެ.
މޮނިކޮން އަމުރު ނެރެން ހޯމް މިނިސްޓަރު އުމަރު ނަސީރު ނިންމެވުމާއެކު ހައިކޯޓުން ނެރުނު މޮނިކޮން އަމުރުގެ ދަށުން މިހާތަނަށް 14 މީހުންގެ ފައިގައި ވަނީ ޓެގް އަޅުވާފައިވާއިރު މަފާޒަކީ ޓެގް އެޅުވި މީހުންގެ ތެރެއިން ފުރަތަމަ ގަވައިދާ ހިލާފުވި، އަދި ގަވައިދާ ހިލާފުވެގެން ޖަލަށް ގެންދަން އަމުރު ކުރި ފުރަތަމަ މީހާ އެވެ.
މަފާޒް ގަވައިދާ ހިލާފުވެގެން ޖަލަށް ގެންދަން އަމުރު ކުރި އިރު މީގެ ކުރިން ހޯމިނިސްޓަރު ވިދާޅުވެފައި ވަނީ މޮނިކޮން އޯޑަރުގެ ދަށުން ޓެގް އެޅުވި މީހުން ގަވައިދ ހިލާފު ނުވެ "ބަސް އަހައިގެން" ތިބި ކަމަށެވެ.
މަފާޒް ޖަލަށް ގެންދަން އަމުރު ކުރި އިރު ރެއާއި އޭގެ ކުރީ ރޭ މާލޭގައި ވަނީ ގްރޫޕް މާރާމާރީ ހިންގާފައެވެ.
މޮނިކޮން އަމުރުގައިވާ މީހުން ރޭގަނޑު 8:00 އާއި ހެނދުނު 6:00 އާ ދެމެދު ގެއިން ބޭރަށް ނުދިއުމާއި ދިރިއުޅޭ ތަނުގައި އުޅޭ މީހުންގެ ނުވަތަ އުޅޭނެ މީހުންގެ މައުލޫމާތު ދޭންޖެހެ އެވެ. އަދި މިނިސްޓަރުގެ ހުއްދަ ނެތި މާލެއިން ފުރައިގެން ނުދިއުމާއި، އަމުރުގައި ކަނޑައަޅާފައިވާ ވަކި ސަރަހައްދުތަކަކަށް ނުދިއުމާއި، އެމީހުންގެ މާލީ މުއާމަލާތްތަކާއި މުދާ ކޮންޓްރޯލްކުރުމުގެ ގޮތުން ފިޔަވަޅު އެޅުމާއި، އެމީހުން މުއާސަލާތީ މުއާމަލާތްތައް ކޮންޓްރޯލްކުރުމާއި، ފުލުހުންގެ މަރުކަޒަށް ހާޒިރުވެ ސޮއިކުރުމާއި، އިލެކްޓްރޯނިކް އާލާތްތައް އެމީހުންގެ ހަށިގަނޑުގައި ނުވަތަ ދިރިއުޅޭތަނުގައި ހަރުކުރުމާއި އެމީހެއްގެ ފޮޓޯއާއި ދިރިއުޅޭ ތަންތަނުގެ ފޮޓޯއާއި އެމީހެއްގެ ފިންގަ ޕްރިންޓްފަދަ ސާމްޕަލްތައް ނަގައި އެމީހުން މޮނީޓަރކޮށް ކޮންޓްރޯލްކުރެ އެވެ.
މަފާޒް