ބޮލީވުޑްގެ ތަރި ސުޝާންތު ސިންގް ރާޖްޕުތް އާއި ޓީވީ ތަރި އަންކިތާ ލޯކަންޑޭގެ ހަތްއަހަރުވީ ލޯބީގެ ގުޅުން ނިންމާލާފައިވާ ކަމުގެ ވާހަކަތަކެއް މީގެ ދުވަސްކޮޅެއް ކުރިން ވަރަށް ގަދަޔަށް ވަނީ ދެކެވިގެން ގޮސްފަ އެވެ.
ސުޝާންތު އާއި އަންކިތާ ރުޅިވެއްޖެ ކަމަށް ދެކެވެމުން އަންނަ ވާހަކަތައް ވަރަށް ސާބިތުކަމާއެކު އަންކިތާ ދޮގުކޮށް އޭނާ ދެކެ އިންތިހާއަށް ލޯބިވާ ވާހަކަ މީޑިއާގައި ދައްކާފައިވީ ނަމަވެސް މިކަމާއި ގުޅޭގޮތުން ސުޝާންތް މާގިނަ ވާހަކަތަކެއް ދައްކާފައެއް ނުވެ އެވެ.
އެހެންނަމަވެސް އެންމެފަހުން ސުޝާންތް މިވަނީ އޭނާއާ ލޯބިވެރިޔާ އަންކިތާ ރުޅިވެފައިވާކަން ޔަގީންކޮށްދީފަ އެވެ. ސުޝާންތް ކުރި ޓްވީޓެއްގައި ވަނީ އަންކިތާއާ އޭނާއާ ރުޅިވީ އަންކިތާ ރާބޯތީ ކަމަށް ބުނާ ވާހަކަތައް ދޮގުކޮށްފަ އެވެ. އަދި އަންކިތާއާ ލޯބީގެ ގޮތުން ގުޅިގެން އުޅެމުން އެހެން އަންހެނުންނާ ގުޅުން ބާއްވާ ކަމަށް ދައްކާ ވާހަތަކުގެވެސް އެއްވެސް ހަގީގަތެއް ނެތް ސުޝާންތް ވަނީ ބުނެފަ އެވެ.
"ބައެއް މީހުންނާ އޮންނަ ގުޅުންތައް ކެނޑޭ. އެއީ ވަރަށް ބަދުނަސީބު ކަމެއް،" ސުޝާންތް ލިޔެފައިވެ އެވެ.
ސުޝާންތް އާއި އަންކިތާ ދިމާވީ ޒީޓީވީއިން ދައްކަން ފެށި "ޕަވިތްރަ ރިޝްތާ" ކުޅުނު ދުވަސްވަރު އެވެ. މިދެތަރިން ރުޅިވެފައި ވަނީ މިއަހަރުގެ ފަހުކޮޅު ކައިވެނި ކުރަން ނިންމާފައިވާ ކަމަށް ބުނެފައި ވަނިކޮށެވެ.
ސުޝާންތް އާއި އަންކިތާ