ފަރްދިން ޚާންގެ ބައްޕަ އަކީ ކުރީގެ ކިތަންމެ މަޝްހޫރު އެކްޓަރެއް ނަމަވެސް އޭނާ އަކަށް ބޮލީވުޑްގައި މާބޮޑު ކާމިޔާބީއެއް ލިބިފައެއް ނުވެ އެވެ.
ނަވާރަ ސަތޭކަ ނުވަދިހަ އަށްވަނަ އަހަރު "ޕްރޭމް އާގަން" އިން ފަރްދީން ބޮލީވުޑަށް ތައާރަފުވެފައިވާއިރު، މާގިނަ ކާމިޔާބު ފިލްމުތަކެއް ކުޅެފައި ނުވި ނަމަވެސް 2010 ވަނަ އަހަރު ފިލްމު ކުޅުމާއި ދުރަށް ދަންދެން އޭނާ އަކީ މަޝްހޫރު ވެގެން ގޮސްފައިވާ މޫނެކެވެ.
ބޮލީވުޑްގެ މޭލް ފެޝަނިސްޓާގެ ގޮތުގައި މަޝްހޫރުވެގެން ގޮސްފައިވާ ފަރްދީން ފިލްމު ކުޅުމާ ދުރަށް ގޮސް މިހާރު އަމިއްލަ ވިޔަފާރި ކުރަމުން އަންނައިރު މީގެ ދެތިން ދުވަސްކުރިން އާންމުވި ފަރްދީންގެ ފޮޓޯ އާއެކު އޭނާ އަށް ބެލުންތެރިންގެ ފާޑުކިޔުންވަނީ އަމާޒުވެގެން ގޮސްފަ އެވެ.
ފިލްމު ކުޅުމާ ދުރަށް ދިޔަ ފަހުން މީޑިއާއާ ވެސް ވަރަށް ދުރުން އުޅޭ ފަރްދީން އޭނާގެ ދެބެއިންގެ ދެދަރި ދައްތަ، ސުޒާން ޚާން އާއި އަނޫ ދޭވާން އަދި އަނޫގެ ފިރިމީހާ ސަނީ ދޭވާން އާއެކު ނަގަފާއިވާ ފޮޓޯއެއް އަނޫ ވަނީ އިންސްޓަގްރާމަށް ލާފަ އެވެ. މިފޮޓޯ އާންމުވުމާއެކު ފަރްދީން ފަލަ ކަމަށް ބުނެ އޭނާ އަށް އަންނަނީ ހަޖޫ ޖަހަމުންނެވެ. ބެލެވޭ ގޮތުގައި ބޮލީވުޑް ދޫކޮށް ދިޔަ ގޮތަށް ހަށިގަނޑު ކުރިން ހުރިގޮތަށް ބަހައްޓަން ފަރްދީން ބޭނުންނުވީ އެވެ.
މިފޮޓޯއިން ފެންނަ ގޮތުގައި ފަރްދީންގެ ބަރުދަން އިތުރުވެ، ފަލަވެފައިވާ ކަން އިނގެ އެވެ. އެގޮތުން މިފޮޓޯ އާންމުވުމާއެކު އޭނާ އަށް ސޯޝަލް މީޑިއާގައި ވަނީ ފާޑުކިޔުންތައް އަމާޒުވެފަ އެވެ.
ފާޑުކިޔާފައިވާ ބައެއް ފަރާތްތަކުން ވަނީ މިހާރު ފަރްދީން ހީވާނީ އަނަންތް އަމްބާނީ ކުރިން ހުރިހެން ކަމަށާއި އަދި އަދްނާން ސާމީއާ ވެސް ވައްތަރު ވެއްޖެ ކަމަށް ބުނެފަ އެވެ. މީގެއިތުރުންވެސް ބޮލީވުޑްގެ ޗޮކްލެޓް ބޯއިގެ ގޮތުގައި މަޝްހޫރު ފަރްދީން މިހާރު ހީވަނީ ގުލާބް ޖާމުން އެއް ހެން ކަމަށާއި ބޮޑަށް ހީވަނީ އޭނާ އެހާ ފަލަވީ އޭނާގެ ފިލްމީ ކެރިއަރު ކާލުމުން ކަމަށް ބުނެ ޖޯކު ޖަހާފަ އެވެ.
ނަމަވެސް ބައެއް ފާރަތްތަކުން ވަނީ ފަރްދީންގެ ދިފާއުގައި ވެސް ވާހަކަދައްކާފަ އެވެ. އެގޮތުން ފަރްދީން ފަލަވުމުން އޭނާ އަށް މަލާމާތް ކުރަނީ އެހެން މީހުން ފަލަ ނުވާތީ ތޯ އާއި ބަތަލާއިން ފަލަ ކަމަށް ބުނެ ޖޯކު ޖަހާތީ އެމީހުންނާ ދެކޮޅަށް އެހެން އެކްޓަރު އަޑުއުފުލާ ގޮތަށް ފަރްދީންއާ ދެކޮޅަށް ވެސް ތެދުވަން ޖެހޭނެ ކަމަށް ބުނެފަ އެވެ.
"ނޯ އެންޓްރީ" "އޯލް ދަ ބެސްޓް" "ކިތްނޭ ދޫރް ކިތްނޭ ޕާސް" ފަދަ ފިލްމުތަކުން ފެނިގެން ގޮސްފައިވާ ފަރްދީން އެންމެފަހުން ފެނިގެން ގޮސްފައިވަނީ 2010 ވަނަ އަހަރު ނިކުތް "ދުލްހާ މިލް ގަޔާ" އިންނެވެ.