ކޯޓު އަމުރެއްގެ ދަށުން ރޭ ހައްޔަރު ކުރި ކުރީގެ ޑިފެންސް މިނިސްޓަރު މުހައްމަދު ނާޒިމްގެ ބަންދާމެދު ގޮތެއް ނިންމުމަށް ދާދި ދެންމެއަކު އޭނާ ކޯޓަށް ހާޒިރުކޮށްފި އެވެ.
ނާޒިމް ހައްޔަރުކޮށްގެން ސަރުކާރުގެ ތަހުގީގު ދޫނިދޫއަށް ގެންދިޔައީ ރޭ 12:50 އެހާކަންހާއިރު އެވެ. ނާޒިމް ހައްޔަރު ކުރި އިރު އޭނާގެ މައްޗަށް ތުހުމަތު ކުރި ހަނގުރާމަރިވެރި ހަތިޔާރު ގެންގުޅުއްވި ކަމަށް ބުނާ މައްސަލައިގައި ތަހުގީގު ނިންމުމަށްފަހު އިއްޔެ ވަނީ ޕްރޮސެކިއުޓާ ޖެނެރަލްގެ އޮފީހަށް ފޮނުވާފައެވެ. ހައްޔަރު ކުރީ އޭނާގެ ބަލައި ފާސްކުރިތާ 23 ދުވަސް ފަހުންނެވެ.
ފުލުހުން ބުނެފައި ވަނީ ނާޒިމްގެ ގެއަށް މިދިއަ މަހުގެ 18 ވަނަ ދުވަހުގެ ރޭ މެންދަމު ވަދެ އެގެއިން ވަނީ ފިސްތޯލައަކާއި ހަނގުރަމަވެރި އެހެނިގެން ސާމާނު ގެންގޮސްފައިވާ ކަމަށެވެ.
ނާޒިމްގެ ވަކީލު މައުމޫން ހަމީދު ވިދާޅުވީ މައްސަލަ ނިންމާ ޕީޖީއަށް ފޮނުވާފައި ވަނިކޮށް ހައްޔަރުކޮށްފައވާތީ އަޅަންޖެހޭ ހުރިހާ ފިޔަވަޅެއް އަޅާނެ ކަމަށާއި ތަހުގީގު ނިމިފައިވާނަމަ ހެއްކާ ގަރީނާ ހަމަ ކުރަންވާނެ ކަމަށާއި ތުހުމަތު ކުރާ ތަކެއްޗާ ނާޒިމާއި އާއިލާއަށް އެނގުމާކަ ނުލައި އެ ޕާޓްމަޓަށް ވަދެފައިވާ ތަކެތި ނޫން ކަމަށެވެ. އަދިވިދާޅުވީ ނާޒިމް ގެންދެވީ އެއްވެސް ސުވާލެއް ކުރުމުގެ ފުރުސަތު ނުދީ ކަމަށާއި މިހާރު ތަހުގީގު ނިމިފައިވާތީ ފުލުހުން ވެސް ނާޒިމާ ސުވާލު ނުކުރާނެ ކަމަށް ބުނެފައިވާ ކަމަށެވެ.