އޮގަސްޓް މަހު ބާއްވާ "ވެކޭޝަންސް އެކްސްޕޯ 2016" ގައި "މުސާފިރީން" ގްރޫޕުން އުމްރާ ދަތުރެއް ދިނުމަށް ހަމަޖެހިފައިވާ ކަމަށް އެ ކުންފުނިން ބުނެފި އެވެ.
އުމްރާއަށް މީހުން ގެންދިއުމުގެ ހުއްދަ ދީފައިވާ "މުސާފިރީން ކުންފުނިން" ވަނީ ރާއްޖޭގައި ފުރަތަމަ ފަހަރަށް ބާއްވާ ޓްރެވަލް ފެއާގެ "ޕްރައިޒް ޕާޓްނަރު" އަކަށް ހަމަޖައްސާފަ އެވެ. މި ފެއާގައި އެ ކުންފުނިން އިނާމަކަށް ހުށަހަޅާފައިވަނީ އެކަމަށް އުމްރާ ދަތުރެކެވެ. މި ދަތުރުގެ ދެ ކޮޅުޓިކެޓާއި ހުރުން ލިބޭނެ ކަމަށް އެ ކުންފުނިން ބުނެ އެވެ.
މުސާފިރީން ކުންފުނިން ބުނި ގޮތުގައި މި އިނާމުގެ ގުރުއަތު ނެގުން އޮންނާނީ ފެއާގެ އެންމެ ފަހު ދުވަހުގެ ރޭ ކަމަށެވެ.
ވެކޭޝަންސް އެކްސްޕޯ 2016 އިންތިޒާމުކުރާ ހައިރައިޒް މޯލްޑިވްސް އިން ބުނީ މި ފެއާއަށް ޒިޔާރަތްކުރާ ފަރާތްތަކަށް މީގެ އިތުރުން ވެސް ގިނަ އިނާމުތަކެއް ދިނުމަށް ހަމަޖެހިފައިވާ ކަމަށެވެ. މި ގޮތުން ޔޫރަޕަށް ދަތުރުކޮށްލުމަށް މުޅިން ހިލޭ ލިބޭ ފުރުސަތާއި ރާއްޖެ އާއި ރާއްޖޭން ބޭރުގައި ޗުއްޓީ ހޭދަކޮށްލުމަށް ލިބޭ ފުރުސަތުތައް ހިމެނެ އެވެ.
ވެކޭޝަންސް އެކްސްޕޯގެ އެންޑޯސް ބައިވެރިންގެ ގޮތުގައި ހިމެނެނީ އެމްއެމްޕީއާރުސީ އާއި މަޓާޓޯ އަދި ލޭމް އާއި ދިވެހި ވިޔަފާރިވެރިންގެ ގައުމީ ޖަމިއްޔާ އެވެ. އަދި މި އެކްސްޕޯގެ ޕާޓްނަރުންގެ ގޮތުގައި ހިމެނެނީ:
- އެސޯސިއޭޓް ޕާޓްނަރު އެމްވީހޮޓެލްސް
- އެސޯސިއޭޓް ޕާޓްނަރު ކެޗް ހޮޓެލްސް
- އެސޯސޮއޭޓް ޕާޓްނަރު އެލައިޑް އިންޝުއަރެންސް
- ޓީވީ ޕާޓްނަރު ޕީއެސްއެމް
- އޮންލައިން ޓްރެވަލް މީޑިޔާ ޕާޓްނަރު މޯލްޑިވްސްޑޮޓް ނެޓް އެމްވީ
- ޕަބްލިކޭޝަން ޕާޓްނަރު ގެސްޓް ހައުސް އޮފް މޯލްޑިވްސް
- ކޭޓަރިން ޕާޓްނަރު ހޮޓެލް ޖެން
- ފޮޓޯގްރަފީ ޕާޓްނަރު އަސަދް ފޮޓޯގްރަފީ
- ގޯލްޑް ޕާޓްނަރު މޫދު ހޮލިޑޭސް
- ޕްރައިޒް ޕާޓްނަރު މުސައްފިރީން
ފެއާ އޮންނަނީ އޮގަސްޓް މަހުގެ 4-6 އަށް ނޭޝަނަލް އާޓްގެލަރީގަ އެވެ. މި ފެއާއަކީ ޗުއްޓީ ހޭދަކުރަން ދަތުރުތައް ޕްލޭންކުރާ ފަރާތްތަކަށް ހާއްސަކޮށްގެން ހައިރައިޒްއިން ބާއްވާ ފެއާއެކެވެ.