ސުޕަސްޓާ ސަލްމާން ޚާން ރެސްލިންތެޅުންތެރިއެއްގެ ރޯލުން ފެނިގެންދާ "ސުލްތާން" އަށް ލިބެމުން އަންނަ ބޮޑު ތަރުހީބުގެ ސަބަބުން އާމިރް ޚާން ވެސް ރެސްލިންތެޅުން ތެރިއެއްގެ ރޯލުން ފެނިގެންދާ "ޑަންގާލް" ޑިސެމްބަރުގެ ކުރިން ރިލީޒްކުރަން އުޅޭ ކަމުގެ ވާހަތަކެއް ވަނީ ދެކެވިގެން ގޮސްފަ އެވެ.
ނަމަވެސް މިފިލްމުގެ ފަރާތުން ވާހަކަ ދެއްކި މީހަކު ބުނެފައިވާ ކަމަށް ނޫސްތަކުގައިވާ ގޮތުން "ޑަންގާލް" ރިލީޒްކުރާ ދުވަސް ޑިސެމްބަރުގެ ކުރިއަށް ޖައްސާކަށް ފިލްމު އުފައްދާ ފަރާތަކުން ނުނިންމަ އެވެ. އެހެންނަމަވެސް މިހާރު މިފިލްމު ވަނީ ކުރިން ރިލީޒްކުރަން ހަމަޖެހިފައި އޮތް ދުވަހުގެ ހަފްތާއެއް ކުރިއަށް ޖައްސާލާފަ އެވެ.
މިހާރު މިފިލްމު ރިލީޒްކުރުމަށް ހަމަޖެހިފައިވަނީ ޑިސެމްބަރު މަހުގެ 16 ވަނަ ދުވަހު އެވެ. ކުރިން މިފިލްމު ރިލީޒްކުރާ ގޮތަށް ހަމަޖެހިފައި އޮތީ ޑިސެމްބަރު 23 ގަ އެވެ.
ބުނެވ ގޮތުގައި މިފިލްމު ރިލީޒްކުރާ ދުވަސް އަވަސްކޮށްފައިވަނީ މީގެކުރިން ރިލީޒްވި އާމިރްގެ އެންމެ ބޮޑު ކާމިޔާބީއެއް ލިބުނު ދެފިލްމު ކަމަށްވާ "ދޫމް 3" އާއި "ޕީކޭ" ވެސް ރިލީޒްކޮށްފައިވަނީ ޑިސެމްބަރު މަހުގެ މިހާތަނުގަ އެވެ. އަދި އެފިލްމުތަކަށް ލިބުނު ބޮޑު ތަރުހީބުގެ ސަބަބުން ޖެނުއަރީ މަހުގެ ފުރަތަމަ ހަފްތާ ނިމެންދެން ސިނަމާތަކުގައި ދެއްކުމުގެ ފުރުސަތު ލިބޭނެތީ އެވެ.
މިފިލްމަކީ މިއަހަރުގައި ރިލީޒްކުރުމަށް ހަމަޖެހިފައި ހުރި ފިލްމުތަކުގައި ބެލުންތެރިން އެންމެ އިންތިޒާރުކުރަމުން އަންނަ ފިލްމުތަކުގެ ތެރެއިން ފިލްމަކަށް ވީއިރު، މިފިލްމަށް ބޮޑު ތަރުހީބެއް ލިބިގެންދާނެ ކަމަށް އުންމީދުކުރެވެ އެވެ.
"ޑަންގާލް" އަކީ ރެސްލިންތެޅުންތެރިޔާ މަހާވިރް ސިންގް ޕޮގަތްގެ ހަޔާތުގެ މައްޗަށް އުފައްދާ ފިލްމެކެވެ. މިފިލްމަށް ތައްޔާރުވުމުގެ ގޮތުން އާމިރްގެ ބަރުދަން 90 ކިލޯ އަށް ވުރެން ބަރުކޮށްފައިވާއިރު، މިހާރު ވަނީ ބަރުދަނުން 25 ކިލޯ ދުއްވާލާފަ އެވެ.
އާމިރް ޚާން "ޑަންގާލް" އަށް ހަށިގަނޑުގެ މަސްތައް ވަރުގަދަކޮށްފައި