ބަތަލާ ސޯނަމް ކަޕޫރުގެ ކޮއްކޮ ރީއާ ކަޕޫރާއި އެކްތާ ކަޕޫރު ޕްރޮޑިއުސްކުރާ "ވީރޭ ދި ވެޑިން" ގެ ލީޑްރޯލުން ފެނިގެންދާނެ ހަތަރު ބަތަލާއިން މިހާރު ވަނީ ނިންމާފަ އެވެ.
ސޯނަމް އާއި ކަރީނާ ކަޕޫރުގެ އިތުރުން ސްވަރާ ބާސްކަރް އާއި ޝިކާ ޓަލްސާނިޔާ ބަތަލާގެ ރޯލުން ފެނިގެންދާނެ ކަން ޕްރޮޑިއުސަރު ރީއާ ވެސް މިހާރު ވަނީ ޔަގީންކޮށްދީފަ އެވެ.
އިންޑިއާގެ ޒަމާނީ ހަތަރު އަންހެނެއްގެ ދިރިއުޅުން ފެނިގެންދާނެ މިފިލްމުގައި ކަރީނާ ކުޅުމަށް ހަމަޖެހިފައި އޮތް ރޯލު އެންމެ ފުރަތަމަ ހުށަހަޅާފައިވަނީ ސަލްމާން ޚާންގެ އެދުމަކަށް ކުރީގެ ލޯބިވެރިޔާ ކެޓްރީނާ ކައިފް އަށެވެ.
ސަލްމާން އާއި ރީއާ އަދި ސޯނަމްގެ ބައްޕަ އަނިލް ކަޕޫރަކީ ވަރަށް ގާތް ދެރަހުމަތްތެރިންނަށް ވުމުން އޭނާ ވަނީ އަނިލް ކުރެން ވެސް މިފިލްމުގެ އެއް ބަތަލާގެ ރޯލު ކެޓްރީނާ އަށް ދިނުމަށް ރީއާ އާ ވާހަކަދެއްކުމަށް އެދިފަ އެވެ. އަދި ސަލްމާން އާއި ސޯނަމް "ޕްރޭމް ރަތަން ދަން ޕާޔޯ" ކުޅުނު ފަހުން ގާތް ރަހުމަތްތެރިންނަށް ވެފައިވާއިރު، ސޯނަމް މެދުވެރިކޮށް ވެސް ސަލްމާން ވަނީ މިރޯލު ކެޓްރީނާ އަށް ލިބޭތޯ ކުރެވެން އޮތްހާ މަސައްކަތެއް ކޮށްފަ އެވެ.
ސަލްމާންގެ އެދުމުގެ މަތިން ރީއާ ވަނީ މިރޯލާ ގުޅޭގޮތުން ކެޓްރީނާއާ ވާހަކަދައްކާފަ އެވެ. ނަމަވެސް ރިއާގެ އިތުރުން ފިލްމު އުފައްދާ ފަރާތަށް މިރޯލަށް އެންމެ އެކަށީގެންވާ ބަތަލާ އަކަށް އޭނާ ނުވި އެވެ. ސަބަބަކީ ދިއްލީގެ ޒަމާނީ އަންހެންކުދިންގެ ވާހަކަދެއްކުމުގެ ވައްޓަފާޅި އެއްވެސް ވަރަކަށް ކެޓްރީނާ ކިބައިގައި ނެތީ އެވެ. އެހެންކަމުން ފިލްމު އުފައްދާ ފަރާތުން ވަނީ މިރޯލަށް އެންމެ އެކަށިގެންވާ ތަރިއަކީ ކަރީނާ ކަމަށް ނިންމައި އޭނާ އަށް މިރޯލު ދީފަ އެވެ.
ކަރިނާ އަށް މިރޯލު ދިނުމުގެ ކުރިން ފިލްމު އުފައްދާ ފަރާތުން ވަނީ ކަރީނާ މިރޯލު ކުޅުނު ނަމަވެސް އޭނާގެ އަޑު ޑަބް ކުރަން ބޭނުންވާ ކަމަށް ބުނެފަ އެވެ. ނަމަވެސް އެގޮތަށް ކެޓްރީނާ އެއްބަސްނުވީ އެވެ.
"ވީރޭ ދި ވެޑިން" ގެ ހަތަރު ބަތަލާއިން:
ކެޓްރީނާ އާއި ރަންބީރު ކަޕޫރު ރުޅިވިފަހުން ސަލްމާން އާއި އޭނާއާ ދެމެދު އަންނަނީ ގުޅުން ބަދަހިވަމުންނެވެ. އެގޮތުން ސަލްމާން އަންނަނީ ކެޓްރީނާ އަށް ރަނގަޅު ފިލްމުތަކުން ބޮޑެތި ރޯލުތައް ދެވޭތޯ ގިނަ މަސައްކަތްތަކެއް ކުރަމުންނެވެ.
ޝަޝަންކަ ގޯޝް ޑައިރެކްޓްކުރާ މިފިލްމަކީ ހޮލީވުޑް ފިލްމު "ދަ ސިސްޓާހުޑް އޮފް ދަ ޓްރެވެލިން ޕެންޓްސް" ގެ އަސްލަކަށް ބަލައިގެން އުފައްދާ ފިލްމެކެވެ. "ވީރާދި ވެޑިން" ގައި މިހަތަރު ބަތަލާއިން ކުޅެނީ ބެސްޓް ފްރެންޑުންގެ ރޯލެވެ. މިހަތަރު އެކުވެރިން އިންޑިއާގެ ދިއްލީއިން ޔޫރަޕަށްދާ ދަތުރުގައި އެއް އެކުވެރިއަކަށް ލޯބިވެވި އޭނާގެ ކައިވެނިކުރެ އެވެ.