ހުޅުމާލޭގައި ގާއިމުކޮށްޚިދުމަތްދޭ "ފިޔަވަތި" އަށް މިނިސްޓާ އޮފް ޖެންޑާ އެންޑް ފެމިލީ ޒެނީޝާ ޝަހީދު ޒަކީ މިއަދު ޒިޔާރަތްކުރައްވައިފި އެވެ.
މިއަދު ހަވީރު އެކަމަނާ އެ މަރުކަޒަށް ޒިޔާރަތް ކުރެއްވީ މަރުކަޒުގައި ތިބޭ ކުދިންނާއި މުވައްޒަފުންނާ ބައްދަލު ކޮށްލައްވާ ތަނުގެ ހާލަތު ބައްލަވާލެއްވުމުގެ އިތުރުން ތަނަށް ބޭނުންވާ ވަސީލަތްތަކާއި، ޚިދުމަތްތަކުގެ ފެންވަރު އިތުރަށް ހަރުދަނާ ކުރުމަށް ކުރަންޖެހޭ މަސައްކަތްތައް ދެނެގަތުމަށެވެ.
މީގެ އިތުރުން ވިލިމާލޭގައި ހުންނަ ކުޑަކުދިންގެ ހިޔާ އާއި އަމާން ހިޔާއަށް ވެސް ވޭތުވެދިޔަ ހަފްތާގެ ތެރޭ އެކަމަނާ ވަނީ ޒިޔާރަތްކުރައްވާފަ އެވެ.
ރައީސް ޔާމީންގެ ކެބިނަޓަށް އެންމެ ފަހުން ވަޑައިގެންނެވި ޒުވާން މިނިސްޓަރުންގެ ތެރޭގައި ހިމެނި ވަޑައިގަންނަވާ އެންމެ ޒުވާން އަންހެން މިނިސްޓަރު ވަނީ ވިލިމާލޭ ކުޑަކުދިންގެ ހިޔާއާއި، އަމާން ހިޔާ އަދި ފިޔަވަތީގައި މިވަގުތު ދަޢުލަތުގެ ބެލެމުގެ ދަށުގައި 153 ކުދިން އެބަތިއްބެވެ. މީގެ ތެރޭގައި ވިލިމާލެ ކުޑަދިންގެ ހިޔާގައި 51 ކުދިން، އަމާން ހިޔާގައި 17 އަދި ފިޔަވަތީގައި 85 ކުދިން ހިމެނެ އެވެ.
