އިންތިހާބު ނުބޭއްވި ދައުރު ހަމަވުމުން، އިތުރު ތިން މަސް ދުވަހުގެ މުއްދަތެއް ހޯމް މިނިސްޓްރީން ދިން ނަމަވެސް އިންތިހާބު ކުރިއަށް ގެންދާނީ ދުނިޔޭގެ ބާސްކެޓްބޯލް ފެޑްރޭޝަން (ފީބާ) އިން އަންގާ ގޮތެއްގެ މަތިން ކަމަށް ރާއްޖޭގެ ބާސްކެޓްބޯލް އެސޯސިއޭޝަން (އެމްބީއޭ) އިން ބުނެފި އެވެ.
ޖެނެރަލް ސެކެޓްރީ އާރިފް ރިޒާ ވިދާޅުވީ އިންތިހާބުގެ ކަންކަން ފީބާގެ ސަމާލުކަމަށް ގެނައުމަށް އޮލިމްޕިކް ކޮމީޓީގެ އަށް ހުށަހެޅި ކަމަށެވެ.
"އިންތިޒާރު މިކުރަނީ ފީބާއިން އަންނާނެ އިޝާރާތަކަށް. އެމްއޯސީ މެދުވެރިކޮށް އަޅުގަނޑުމެން ވަނީ އެކަމަށް އެދިފަ" އާރިފް ވިދާޅުވިއެވެ.
އެމްބީއޭގެ ދައުރު ހަމަވީ މިމަހު 15 ވަނަ ދުވަހުއެވެ. ނަމަވެސް ހޯމް މިނިސްޓްރީން ވަނީ އިންތިހާބުގެ މަސައްކަތަކަށާއި އިންތިހާބު ބޭއްވުމަށް ދައުރުގެ މުއްދަތު ތިން މަހަށް އިތުރުކޮށްފައެވެ.
އެމްއޯސީގެ ޖެނަރަލް ސެކެޓްރީ މަރުޒޫގް އަހްމަދު 'އަވަސް' އަށް ވިދާޅުވީ "އެމްއޯސިން އިންތިޒާރު ކުރަމުންދަނީ ފީބާގެ ޖަވާބަކަށް ކަމަށެވެ.