މިދިޔަ މަހު 15 ވަނަ ދުވަހުގެ ރޭ ތުރުކީއަށް ގެންނަން އުޅުނު ބަޣާވާތާ ގުޅިގެން އެ ގައުމުގެ ފުޓްބޯޅަ އެސޯސިއޭޝަނުން 94 ރެފްރީންނާއި އޮފިޝަލުން ވަކި ކޮށްފި އެވެ.
ތުރުކީގެ ސަރުކާރުން ދަނީ މައްސަލަ ތަހްގީގުކޮށް "ބަޣާވާތާ" ގުޅުން އޮތް ކަމަށް ބުނެ 6000 ވުރެ މީހުން ހައްޔަރު ކޮށްފަ އެވެ. އަދި ފަހުން 2000 މީހުން ވަނީ ހައްޔަރުން ދޫކޮށްލަފަ އެވެ.
ތުރުކީގެ އެފްއޭގެ އެގްޒެކެޓިވް ކޮމިޓީގެ މެންބަރުން ވަނީ، މައްސަލަ ތަހްގީގު ކުރުމަށް އެހީތެރިވެ ދިނުމަށް އެކްސްކޯއިން ވެސް އިސްތިއުފާ ދީފައެވެ.
ތުރުކީގެ އެފްއޭއިން ނެރުނު ބަޔާނެއްގައި ބުނެފައިވަނީ "ސަރަހައްދީ ލެވަލްގެ ރެފްރީންނާއި ނެޝަނަލް ލެވަލްގެ ރެފްރީންނާއި އެސިސްޓެންޓް ރެފްރީންނާއި މެޗް އޮފިޝަލުންނާއި، ރީޖަލަނަލް ރެފްރީ ކޮމިޓީގެ މެންބަރުންނާއި ރެފްރީންގެ ރީޖަނަލް އަދި ނެޝަނަލް ރެފްރީންގެ އޮބްޒާވަރުންނާއެކު 94 އޮފިޝަލުން މަގަމުން ވަކިކުރުމަށް އަންގާފައިވާ ކަމަށެވެ"
ތުރުކީގެ ސަރުކާރުން ތުހުމަތު ކުރާ ގޮތުގައި އެމީހުންނަކީ ބަޣާވަތުގެ އެންމެ އަޑީގައި ހުންނެވި ކަމަށް ތުރުކީގެ ސަރުކަރުން ތުހުމަތު ކުރާ ދީނީ އިލްމުވެރިޔާ އަދި ވިޔަފާރިވެރިޔާ ފަތުﷲ ގްލެންގެ "ޕެރަރަލް ސްޓޭޓް" ގެނައުމަށް މަސައްކަތް ކުރި މީހުންނެވެ.