އެތުލެޓިކްސް އެސޯސިއޭޝަނުން ކުރިއަށް ގެންދިޔަ މައިލޯ އިންޓަ ސްކޫލް އެތުލެޓިކްސް ޗެމްޕިއަންޝިޕްގައި އެންމެ ކާމިޔާބު ސްކޫލަކަށް ގދ. ތިނަދޫގައި ހުންނަ ގދ. އަތޮޅު ތައުލީމީ މަރުކަޒު ހޮވިއްޖެ އެވެ.
އެ ސުކޫލުން ވަނީ މުބާރާތުގެ ދެ ކެޓަގަރީއެއްގެ ޗެމްޕިއަންކަން ހޯދުމުގެ އިތުރަށް ދެ ކެޓަގަރީއަކުން އެންމެ މޮޅު އެތުލީޓްގެ މަގާމު ވެސް ހޯދާފަ އެވެ.
މުބާރާތުގެ 17 އަހަރުން ދަށުގެ ފިރިހެން އަދި އަންހެން ޗެމްޕިއަންކަން އެ ސޫކުލުން ހޯދިއިރު 15 އަހަރުން ދަށުގެ އެއްވަނަ ފިރިހެން އެތުލީޓަކަށް ހޮވުނީ އެ ސުކޫލްގެ ހާޒިމް ހުސައިން ޝަރީފެވެ. ސަތާރަ އަހަރުން ދަށުގެ އެންމެ މޮޅު ފިރިހެން އެތުލީތަކަށް ހޮވުނީ ވެސް އެސުކޫލްގެ ސައިފުﷲ އަހްމަދެވެ. ސަތާރަ އަހަރުން ދަށުގެ އެންމެ މޮޅު އަންހެން އެތުލީޓަކަށް ހޮވުނީ ކުޅުދުއްފުށީ ޖަލާލުއްދީން ސްކޫލްގެ ނަޝާ ނިޒާރެވެ.
މުބާރާތުގެ 17 އަހަރުން ދަށުގެ ފިރިހެން އަދި އަންހެން ޗެމްޕިއަންކަން އެސޫކުލުން ހޯދިއިރު 15 އަހަރުން ދަށުގެ އެއްވަނަ ފިރިހެން އެތުލީޓަކަށް ހޮވުނީ އެ ސުކޫލްގެ ހާޒިމް ހުސައިން ޝަރީފެވެ. ސަތާރަ އަހަރުން ދަށުގެ އެންމެ މޮޅު ފިރިހެން އެތުލީތަކަށް ހޮވުނީ ވެސް އެސުކޫލްގެ ސައިފުﷲ އަހްމަދެވެ. ސަތާރަ އަހަރުން ދަށުގެ އެންމެ މޮޅު އަންހެން އެތުލީކަށް ހޮވުނީ ކުޅުދުއްފުށީ ޖަލާލުއްދީން ސްކޫލްގެ ނަޝާ ނިޒާރެވެ.
ފަނަރަ އަހަރުން ދަށުގެ އެއް ވަނަ އަންހެން އެތުލީޓުކަށް ތާޖުއްދީން ސްކޫލްގެ އިމްތިނާން ފާރޫގް ހޯދިއިރު ތާޖުއްދީން ސުކޫލުން ވަނީ މުބާރާތުގެ 13 އަހަރުން އަންހެން ޗެމްޕިއަންކަންވެސް ހޯދާފައެވެ. އެކެޓަގަރީގެ އެއް ވަނަ އެތުލީޓަކީވެސް އެ ސްކޫލުގެ އައިޝަތު ޝަބާ ސަލީމެވެ.
ތޭރަ އަހަރުން ދަށުގެ ފިރިހެން ޗެމްޕިއަންއަކީ ފުވައްމުލަށް ޝޭހް މުހައްމަދު ޖަމާލުއްދީން ސުކޫލެވެ. އެ ކެޓަގަރީގެ އެއް ވަނަ އެތުލީޓަކަށް ހޮވުނީ އިސްކަންދަރު ސްކޫލްގެ އިބްރާހިމް ޔައީޝް މުހައްމަދެވެ.
މުބާރާތުގެ 19 އަހަރުން ދަށުގެ އަންހެން އަދި ފިރިހެން ޗެމްޕިއަންކަން ހޯދީ ސީއެޗްއެސްއީއެވެ. އަދި އެސޫކުލުގެ މުހައްމަދު ހަނަމް އިސްމާއިލް ވަނީ 19 އަހަރުން ދަށުގެ ފިރިހެން އެންމެ މޮޅު އެތުލީޓްގެ މަގާމު ހޯދާފައެވެ. ނަވާރަ އަހަރުން ދަށުގެ އެންމެ މޮޅު އަންހެން އެތުލީޓަކަށް ހޮވުނީ ވިލާ އިންޓަނޭޝަނަލް ހައި ސްކޫލްގެ ހަދީޖާ އަހްމަދެވެ.
މުބާރާތުގެ ދެން އެންމެ ކާމިޔާބު ސްކޫލަކަށް ހޮވުނީ ޏ. އަތޮޅު ތައުލީމީ މަރުކަޒެވެ. އެ ސްކޫލުން ވަނީ 17 އަހަރުން ދަށުގެ ފިރިހެން ޗެމްޕިއަންކަމާއި 15 އަހަރުން ދަށުގެ އަންހެން ޗެމްޕިއަންކަން ހޯދާފައެވެ.
ހދ. އަތޮޅު ތައުލީމީ މަރުކަޒުން 11 އަހަރުން ދަށުގެ އަންހެން ޗެމްޕިއަންކަން ހޯދިއިރު އެ ކެޓަގަރީގެ އެއް ވަނަ އެތުލޯޓަކީވެސް އެ ސްކޫލްގެ އައިޝަތު އަޔާ އަލީއެވެ.
އެގާރަ އަހަރުން ދަށުގެ ފިރިހެން ޗެމްޕިއަންކަން ހޯދީ އަމީނިއްޔާ ސްކޫލް ހޮވުނު އިރު އެއް ވަނަ އެތުލީޓަކީ ފދ. ތިނަދޫ ސްކޫލްގެ އަހްމަދު އިދުހާމް އިސްމާއިލްއެވެ.