ސްނޯކްލިންއަށް ދިޔަ ފަތުރުވެރިއެއްގެ ހަބަރެއް ނުވެގެން އެމްއެންޑީއެފްގެ ކޯސްޓްގާޑުން ނުކުމެ މިރޭ ހޯދަމުން ދަނިކޮށް އެ މީހާ ފީނި ސަރަޙައްދުގެ 17 މީޓަރު އަޑިން މަރުވެފައި އޮއްވާ ފެނިއްޖެ އެވެ. އޭނާ ނަގައި މިހާރު ވަނީ ފިހާޅޮހި ރިސޯޓުގެ ހެލްތް ޕޯސްޓަށް ގެންގޮސްފަ އެވެ. އެ ފިރިހެން މީހާގެ ހަށިގަނޑާ ގުޅޭ އިތުރު އެއްވެސް މައުލޫމާތެއް އަދި ސާފެއް ނުވެއެވެ.
ސްނޯކަލިންއަށް ދިޔަ ފަހުން ހަބަރެއް ނުވުމުން ހޯދަނިކޮށް މޫދުގެ އަޑިން ފެނުނީ ފިހާޅޮހި ރިސޯޓުގެ އުތުރު ފަރާތު ފަރުމައްޗަށް ސްނޯކަލިން ކުރި މީހެކެވެ. އެ މީހާއަކީ އެ ރިސޯޓުގައި ޗުއްޓީ ހޭދަކުރަމުންދިޔަ ރަޝިޔާގެ، އުމުރުން 35 އަހަރުގެ މީހެކެވެ.