ދެ ދޯނިދޭތެރޭ ފިތިގެން ދިވެއްސަކު މަރުވެއްޖެ އެވެ. މި ހާދިސާ ހިނގާފައިވަނީ މ. ކޮޅުފުށީ ކައިރީގައެވެ.
ދިވެހި ފުލުހުންގެ ހިދުމަތުން ބުނީ ކޮޅުފުށީ ކައިރީގައި ދެ ދޯންޏެއް ކައިރިކޮށްގެން އުޅެނިކޮށް ދެ ދޯނީގެ ދޭތެރެއަށް މީހަކު ފިތިގެން އެކަމުގެ ރިޕޯޓް މިއަދު ހަވީރު 4:41 ގައި ލިބިފައިވާ ކަމަށެވެ.
މި ހާދިސާގައި އަނިޔާވި މީހާ މުލި ރީޖަނަލް ހޮސްޕިޓަލަށް ގެންދިޔައިރުވެސް މަރުވެފައިވާ ކަމަށް ޑޮކްޓަރުން ބުނެފައިވާ ކަމަށެވެ.
މި ހާދިސާއާ ގުޅިގެން ބަލަން ޖެހޭ ކަންކަން ބަލަމުންދާ ކަމަށްވެސް ބުންޏެވެ.