ޔޫތު ޗެމްޕިއަންޝިޕްގައި ވެލެންސިއާ އާ ދެކޮޅަށް ކުޅުނު މެޗުން މޮޅުވެ ތާވަލުގެ ހަތަރު ވަނަ އަށް ނިއުރޭޑިއަންޓް ޖެހިލައިފިއެވެ.
ހެންވޭރު ދަނޑުގައި އިއްޔެ ހަވީރު ކުޅުނު މެޗް ނިއުރޭޑިއަންޓް ކާމިޔާބު ކުރީ 1-0 ގެ ނަތީޖާ އަކުންނެވެ. ނިއުގެ ލަނޑު 77 ވަނަ މިނެޓްގައި ކާމިޔާބު ކުރި އިސްމާއިލް ފަރުހާންއެވެ.
ނިއު ހަތަރު ވަނައިގައި އޮތީ މިއަދު ހޯދި ތިން ޕޮއިންޓާއެކު ޖުމުލަ ނުވަ ޕޮއިންޓް ހޯދައިގެންނެވެ. ތިން ވަނައިގައި އޮތް މާޒިޔާއަށްވެސް ލިބިފައި ވަނީ ނުވަ ޕޮއިންޓެވެ. ނަމަވެސް މާޒިޔާއަށް ކުރި ލިބެނީ ގޯލްގެ ތަފާތުންނެވެ.
މެޗުން ވެލެންސިއާ މޮޅުވި ނަމަ 10 ޕޮއިންޓާއެކު އެޓީމަށް ތާވަލުގެ ތިން ވަނަ އަށް އެރޭނެއެވެ.
