ތައުލީމީ ދާއިރާ އާއި ވިޔަފާރި ދާއިރާއިން ލަންކާގެ ހޮރައިޒަން ކެމްޕަހުން ރާއްޖެއަށްދޭ ފުލް ޕެއިޑް އަދި ޕާޝިއަލް ސްކޮލާޝިޕްތައް އިއުލާންކޮށް، ސްކޮލާޝިޕަށް އެދުމުގެ ފުރުސަތު ހުޅުވާލައިފި އެވެ.
ހޮރައިޒޮން ކެމްޕަހުން 2017 ވަނަ އަހަރަށް، ޑިގްރީ އަށް ކިޔެވުމަށް ރާއްޖެއަށް ވިއްސަށްވުރެ ގިނަ ސްކޮލާޝިޕް ފުރުސަތު ވަނީ ދީފަ އެވެ. ސްކޮލާޝިޕް ދޫކޮށްފައިވާ ދާއިރާތަކުގެ ތެރޭގައި ހިމެނެނީ، ބެޗްލާ އޮފް އެޑިއުކޭޝަން، ބިޒްނަސް މެނޭޖްމަންޓް، ބެޗްލާ އޮފް ސައިންސް އަދި އިންފޮމޭޝަން ޓެކްނޮލޮޖީ ފަދަ ދާއިރާތަކެވެ.
ހަޔާ އެޑިއުކޭޝަނުން މިއަދު ބުނީ، ސްކޮލާޝިޕްތަކަށް ފޯމް ހުށަހެޅުމުގެ ފުރުސަތު އަންނަ މަހުގެ 24 ވަނަ ދުވަހާ ހަމަޔަށް ހުޅުވާލާފައިވާ ކަމަށެވެ. މި އިއުލާނުގެ ދަށުން ކުރިމަތި ލެވޭނީ އެއް ކޯހަކަށެވެ. ސްކޮލާޝިޕްގައި ކިޔަވާ ދަރިވަރުންގެ ކެއުމާއި ހުރުމާއި އޭގެ އިތުރުން ވެސް ކުރަންޖެހޭ ހަރަދުތައް ކުރަންޖެހޭނީ އަމިއްލަ އަށެވެ.
އަދި މި ސްކޮލާޝިޕްތަކުގައި ކިޔަވަން ފުރުސަތު ލިބޭ ދަރިވަރުން ކިޔަވައި ނިންމުމަށްފަހު ރާއްޖެއަށް ހިދުމަތްކުރަން ޖެހެ އެވެ.