ރާއްޖޭގެ 28 ވަނަ ނަޞްރުގެ ދުވަހުގެ މުނާސަބަތުގައި ސިފައިން ހުޅުމާލޭގައި މިއަދު ޝަރަފުގެ ހިނގާލުމެއް ބާއްވައިފި އެވެ.
މިއަދު ހަވީރު ބޭއްވި ޝަރަފުގެ ހިނގާލުން ފަށާފައިވަނީ ހުޅުމާލޭ އެމްޕީއެލް ސަރަހައްދުންނެވެ.
ހިނގާލުން ކުރިއަށްގެންދިޔައީ އަސުރުމާ ހިނގުމުން ފަށައިގެން އެކި މަގުތަކުގައި ކުރިޔަށް ގެންދިއުމަށްފަހު އެމްޕީއެލް ސަރަހައްދަށެވެ.
މި ހިނގާލުމުގައި ސިފައިންގެ ލަޝްކަރު ހުއްޓިފައިވާ ސަރަހައްދުތަކުގެ ތެރޭގައި އަސުރުމާ ހިނގުމާއި ނިރޮޅުމަގު ގުޅޭ ހިސާބާއި، ނިރޮޅުމަގާއި ފިނިފެންމާހިނގުން ގުޅޭ ހިސާބު އަދި، ސެންޓްރަލް ޕާކު ސަރަޙައްދަށެވެ. މި ސަރަޙައްދުތަކުގައި އެމްއެންޑީއެފް ބޭންޑުގައި ތަފާތު ރާގުތައް ވަނީ ކުޅެފައެވެ.
ނަސްރުގެ ދުވަހުގެ ހަރަކާތްތަކުގެ ތެރެއިން މިއަދު ހަވީރު ސައިލެންޓް ޑްރިލްގެ ހަރަކާތްތަކެއް ވިލިމާލެ ބަނދަރު ސަރަހައްދުގައި ވެސް ވަނީ ކުރިއަށްގެންގޮސްފައެވެ.