- މުޅި ޔޫރަޕުން އައި ޓޫރިސްޓުންގެ އަދަދު އިތުރު
- މުހިންމު މާކެޓުތައް ރަނގަޅު ވެފައި
- އެންމެ ބޮޑަށް ރަނގަޅުވީ އިނގިރޭސިވިލާތް
ޔޫރަޕަށް ބައެއް ގައުމުތަލަށް ދިމާވި އިގްތިސާދީ މައްސަލަ ތަކަކީ ރާއްޖޭގެ ޓޫރިޒަމަށް ކުރިމަތިވި ގޮންޖެހުމެކެވެ. އަދި ބައެއް ގައުމުތަކަށް މި އަހަރު ކުރިމަތި ޓެރެރިޒަމްގެ ހަމަލާތަކަކީ ވެސް ޓޫރިޒަމަށް އަސަރު ކުރި އެއް ކަމެވެ. މީގެ އިތުރުން ރާއްޖޭ ބޮއިކޮޓް ކުރަން ބޭރުގައި ހިންގާ، ހަރަކާތްތަކާއި ރާއްޖޭގައި ހިނގައި ދިޔަ ބައެއް ހާދިސާތަކުގެ ސަބަބުން ރާއްޖޭގެ ޓޫރިޒަމް ބޮޑު އަސަރެއް ކުރި އެވެ.
ހާއްސަކޮށް ޔޫރަޕު މާކެޓު ދަށްވެގެން ދިޔަ އެވެ. ނަމަވެސް މި ހުރަސްތަކުން އަރައިގަނެ، އަނެއްކާވެސް މިވަނީ ޔޫރަޕު މާކެޓު ރަނގަޅުވާން ފަށާފަ އެވެ. މި އަހަރުގެ ސެޕްޓެމްބަރު މަހުގެ ނިޔަލަށް ތަފާސް ހިސާބުތައް ދައްކާ ގޮތުގައި ޔޫރަޕު މާކެޓު ރަނގަޅުވުމުން ޓޫރިޒަމަށް މިވަނީ ދިރުން ލިބެން ފަށާފަ އެވެ.
ޓޫރިޒަމް މިނިސްޓްރީގެ ހިސާބުތައް ދައްކާ ގޮތުގައި މިދިޔަ އަހަރުގެ ސެޕްޓެމްބަރު މަހުގެ ނިޔަލަށް ޔޫރަޕުން ރާއްޖެ އަށް ޒިޔާރަތް ކޮށްފައިވަނީ 381،350 ޓޫރިސްޓުންނެވެ. ނަމަވެސް މި އަހަރުގެ މި މުއްދަތުގައި 407،166 ޓޫރިސްޓުން ޒިޔާރަތް ކޮށްފައިވެ އެވެ. މިއީ 6.8 ޕަސެންޓުގެ އިތުރުވުމެވެ. ޔޫރަޕަށް ބަލާއިރު ހުރިހާ ހިސާބަކުން އަންނަ ޓޫރިސްޓުންގެ އަދަދު ވެސް ވަނީ އިތުރުވެފަ އެވެ.
ޔޫރަޕުގެ ވަކިވަކި މާކެޓު ތަކަށް ބަލާއިރު ރަޝިޔާ އިން މި އަހަރުގެ މިހާތަނަށް 31،825 ޓޫރިސްޓުން ޒިޔާރަތް ކޮށްފައިވެ އެވެ. މިއީ މިދިޔަ އަހަރު ޒިޔާރަތް ކުރި 30،967 ޓޫރިސްޓުންނާ އަޅާބަލާއިރު 2.8 ޕަސެންޓުގެ ކުރިއެރުމެކެވެ. އަދި ސެޕްޓެމްބަރު މަހު ވަކިން ބަލާނަމަ މި އަހަރު 2،990 ޓޫރިސްޓުން ޒިޔާރަތް ކުރިއިރު މިދިޔަ އަހަރު ޒިޔާރަތް ކޮށްފައިވަނީ 2،309 ޓޫރިސްޓުންނެވެ. މިއީ 2.9 ޕަސެންޓުގެ އިތުރުވުކެވެ.
ޔޫރަޕުގެ މާކެޓު ކުރުކޮށް
- އިނގިރޭސިވިލާތް 11 ޕަސެންޓް އިތުރު
- ރަޝިޔާ 2.8 ޕަސެންޓް އިތުރުވި
- އިޓަލީ ޓޫރިސްޓުން 8.8 ޕަސެންޓް އިތުރު
ޔޫރަޕުގެ ވަކިވަކި މާކެޓު ތަކަށް ބަލާއިރު ރަޝިޔާ އިން މި އަހަރުގެ މިހާތަނަށް 31،825 ޓޫރިސްޓުން ޒިޔާރަތް ކޮށްފައިވެ އެވެ. މިއީ މިދިޔަ އަހަރު ޒިޔާރަތް ކުރި 30،967 ޓޫރިސްޓުންނާ އަޅާބަލާއިރު 2.8 ޕަސެންޓުގެ ކުރިއެރުމެކެވެ. އަދި ސެޕްޓެމްބަރު މަހު ވަކިން ބަލާނަމަ މި އަހަރު 2،990 ޓޫރިސްޓުން ޒިޔާރަތް ކުރިއިރު މިދިޔަ އަހަރު ޒިޔާރަތް ކޮށްފައިވަނީ 2،309 ޓޫރިސްޓުންނެވެ. މިއީ 2.9 ޕަސެންޓުގެ އިތުރުވުކެވެ.
މީގެ އިތުރުން އިނގިރޭސިވިލާތުން ސެޕްޓެމްބަރު މަހުގެ ނިޔަލަށް ވަނީ 76،083 ޓޫރިސްޓުން ޒިޔާރަތް ކޮށްފަ އެވެ. ނަމަވެސް މިދިޔަ އަހަރު ޒިޔާރަތް ކުރީ 68،519 ޓޫރިސްޓުންނެވެ. ގާތްގަނޑަކަށް މިއީ 11 ޕަސެންޓުގެ ކުރި އެރުމެކެވެ. އަދި އިޓަލީވިލާތުން މި އަހަރު 50،922 ޓޫރިސްޓުން ޒިޔާރަތް ކުރިއިރު، މިދިޔަ އަހަރު ޒިޔާރަތް ކުރީ 46،823 ޓޫރިސްޓުންނެވެ. މިއީ 8.8 ޕަސެންޓުގެ އިތުރުވުކެވެ.
ޓޫރިޒަމް މިނިސްޓްރީން މިހާތަނަށް އާއްމުކޮށްފައިވަނީ ސެޕްޓެމްބަރު މަހުގެ ނިޔަލަށް ތަފާސް ހިސާބުތަކެވެ. ނަމަވެސް ޓޫރިޒަމް މިނިސްޓްރީ ވަނީ އެއް މިލިއަން ޓޫރިސްޓުން އައުން ފާހަގަ ކޮށްފަ އެވެ. އަދި ކުރިއަށް އޮތީ ޓޫރިޒަމްގެ މައި ސީޒަން ކަމަށްވާތީ، މި އަހަރު ގިނަ އަދަދެއްގެ ޓޫރިސްޓުން ޒިޔާރަތް ކުރާނެ ކަމަށް ބެލެވެ އެވެ.