އެސްޓީއޯ ހޯމް އިމްޕްރޫވެމެންޓް ބަށިބޯޅަ މުބާރާތުގެ ސެމީފައިނަލް މެޗްގައި ހުޅުމާލޭ ވިމެން ސްޕޯޓްސް ވާދަކޮށް މިދިޔަ ހަތަރު އަހަރުގެ ޗެމްޕިއަން ފ. ފީއަލީ ޒުވާނުންގެ އެކުވެރި ކުލަބު މުބާރާތުން ކަޓައިފި އެވެ. މިއަދު ހަވީރު ކުޅުނު މެޗުން ފީއަލީ އެކުވެރި ޒުވާނުންގެ ޓީމު ބަލިވީ ދެ ލަނޑުގެ ތަފާތުންނެވެ.
ހުޅުމާލޭ ވިމެން ސްޕޯޓްސް އިން 26 ލަނޑު ހަ ބޯޅަ ހަމަކުރިއިރު ފީއެކުވެރި ޒުވާނުންގެ ޓީމަށް ހެދިފައިވަނީ 24 ލަނޑު ނުވަ ބޯޅަ އެވެ. ފީއަލީ ޒުވާނުންގެ އެކުވެރި ކުލަބު ތިން ވަނަ ހޮވާ މެޗްގައި ބައްދަލު ކުރާނީ ދެ ވަނަ ސެމީ ފައިނަލުގައި ބަލިވާ ޓީމަކާ ދެކޮޅާށެވެ.
ދެ ވަނަ ސެމީ ފައިނަލް މެޗްގައި ބައްދަލު ކުރާނީ މައްޗަންގޮޅި ވިދުވަރު ޓީމާއި ލ. މާބައިދޫ އިސްދަރިވަރުންގެ ގުޅުމެވެ.
