އެސްޓީއޯ ބަށިބޯޅަ މުބާރާތުގެ ތަށި މިދިޔަ ހަތަރު އަހަރު ގެންދިޔައީ ފ. ފީއަލީ އެކުވެރި ޒުވާނުންގެ ގުޅުމެވެ. މިފަހަރު މުބާރާތުގައި މާލެ ސަރަހައްދުން ނިކުތް ހަ ޓީމުގެ އަމާޒަކަށް ވެފައި އޮތީ މުބާރާތުގެ ތައްޓާއި ޗެމްޕިއަން ޓީމަށް ދޭ އެއް ލައްކަ ރުފިޔާ މާލެއިން ބޭރަށް ދިއުމުގެ ފުރުސަތު ނުދިނުމެވެ.
"އަޅުގަނޑުމެންގެ ޓީމުގެ މެދުގައި ވާދަވެރިކަން އޮންނާނެ ނަމަވެސް މުބާރާތުގެ ތަށި މިފަހަރު އަޅުގަނޑުމެންގެ ޓީމަކުން ގެންދާނެ،" ބަށިމުބާރާތް ފެށުމުގެ ކުރިން މަލޭ އޭރިއާއަށް ނިސްބަތްވާ ޓީމެއްގެ އޮފިޝަލަކު ބުނެފައިވެއެވެ.
"އަޅުގަނޑުމެންގެ ޓީމުގެ މެދުގައި ވާދަވެރިކަން އޮންނާނެ ނަމަވެސް މުބާރާތުގެ ތަށި މިފަހަރު އަޅުގަނޑުމެންގެ ޓީމަކުން ގެންދާނެ،" ބަށިމުބާރާތް ފެށުމުގެ ކުރިން މަލޭ އޭރިއާއަށް ނިސްބަތްވާ ޓީމެއްގެ އޮފިޝަލަކު ބުނެފައިވެއެވެ.
މިފަހަރު މިއޮތީ އެކަމަށް މަގު ފަހިވެފައެވެ. ފައިނަލުގައި ނިކުންނަނީ މާލޭ ސަރަހައްދުގެ ދެޓީމަކީވެސް ކުރީގެ މުބާރާތްތަކުގައި ފީއަލީ އެކުވެރި ޒުވާނުންގެ ގުޅުމުގެ އަތް ދަށުވި ދެ ޓީމެވެ. މިދިޔަ އަހަރު މުބާރާތުގެ ސެމީފައިނަލްގައި ފީއަލީ އަތް ދަށުވީ ހުޅުމާލޭ ވިމެން ސްޕޯޓްސްއެވެ. ދެ ހާސް ސާދަ ވަަނަ އަހަރު ސެމީ ފައިނަލްގައި ފީއަލީ އަތް ދަށުވީ ވިދުވަރު ޓީމެވެ.
ފައިނަލުގައި މިފަހަރު ފީއަލީ ޓީމެއް ނެތެވެ. މިއީ މާލޭ އޭރިއާގެ އެންމެ ވަރުގަދަ ދެ ޓީމެވެ. ހުޅުމާލެއާއި މައްޗަންގޮޅި އަވަށް ކެކިގެން އަންނަ ފޯރިގަދަ ކުރިމަތި ލުމެވެ. މިއަދުގެ ފައިނަލަށް ދެ ޓީމުންވެސް އޮތީ ވަރުގަދަ އަށް ތައްޔާރު ވެފައެވެ.
"ވިދުވަރު ޓީމު ވަރަށް ވަރުގަދަ އެޓީމުގެ ވަރުގަދަކަން އެނގި އަޅުގަނޑުމެން ފައިނަލަށް ނިކުންނާނާނީ މިއަދު ހަމަ އެންމެ ޓަފް މެޗަށް،" ހުޅުމާލޭ ވިމެން ސްޕޮޓްސްގެ މެނާޖަރު ސަލްމާ އަހްމަދު ބުންޏެވެ.