ނަވްދީޕް ސިންގް ޑައިރެކްޓް ކޮށް މިއަދު ސްކްރީން ތަކުގައި އެޅުވުމަށް ހަމަޖެހިފައިވާ "އެންއެޗް 10" އަށް ބޮލީވުޑްގެ މަޝްހޫރު ތަރިންނާއި ޑައިރެކްޓަރުންގެ ތައުރީފު އޮހެންފަށައިފި އެވެ.
އަނުޝްކާ ޝަރްމާ އަލަށް ޕްރޮޑިއުސްކުރި މި ފލްމުގައި އޭނާގެ އިތުރުން މުހިއްމު ރޯލުތައް ކުޅެފައިވަނީ ނީލް ބޫޕާލަމް އާއި ދަރްޝަން ކުމާރެވެ.
ފިލްމު ބެލުމަށް ފަހު ހުރިހާ ތަރިންނާއި ޑައިރެކްޓަރުން ވަނީ އެމީހުންގެ ތައުރީފު ޓްވިޓާގައި އޮއްސާލާފަ އެވެ.
އެކްޓަ- ޕްރޮޑިއުސަ ރިތޭޝް ދޭޝްމުކް ކޮށްފައިވާ ޓްވީޓްގައި ވަނީ ޕްރޮޑިއުސަރެއްގެ ގޮތުން މޮޅު ފެށުމެއް ކަމަށާއި، މިއީ ހަމަ ޔަގީނުންވެސް ފަހުރުވެރިވާ ފަދަ ފިލްމެއް ކަމަށެވެ. އަނުޝްކާ ފިލްމުގައި ދައްކާލާފައިވާ އާދަޔާ ހިލާފު މޮޅު އެކްޓިން އަށް ތައުރީފު ކުރަމުން ރިތޭޝް ބުނެފައިވަނީ މިއީ ތައުރީފު ހައްގުވާފަދަ މޮޅު ފިލްމެއް ކަމަށެވެ.
ފިލްމުގެ މޮޅުކަމާއި އަނުޝްކާގެ އެކްޓިން އަށް ތައުތީފު ކުރަމުން ޑައިރެކްޓަރ އަލީ އައްބާސް ޒަފަރް ކުރި ޓްވީޓެއގައި ވަނީ މިފިލްމަކީ އިންޑިޔާގެ ކޮންމެ ރައްޔިތެއްވެސް ބަލަންޖެހޭ އަދި ތައުރީފު ކުރަން ގެހޭ ފިލްމެއ ކަމަށެވެ. އަދި މިފިލްމުގައި އަނުޝްކާ ކުޅެފައިވާ މީރާ ކިޔާ އަންހެނެއްގެ ރޯލުން ވަނީ އޭނާއަކީ ހަގީގީ އިންޑިޔާ އަންހެނެއް ކަން ސާބިތުކޮށް ދީފައެވެ.
ފިލްމު އަދި ސިނަމާ ތަކުގައި ދައްކަން ނުފަށާއިރު މިހާ ބޮޑު ތަރުހީބެއް ލިބެމުންދާތީ މި ފިލްމު ބޮލްކްބާސްޓަރ އަކަށް ވާނެ ކަމަށް މިހާރުވެސް ގިނަ ފަރާތް ތަކަކުން ވަނީ ނިންމާފަ އެވެ.
ދެން އެންމެ އަވަހަށް ވެސް ސްކްރީންތަކަށް އަންން ދެ ފިލްމުވެސް ދައްކާނީ މި މަހުގެ 20 ވަނަ ދުވަހު އެވެ.