ފުރަތަމަ މެޗް ނޭޕާލް އަތުން ރާއްޖެ ބަލިވެއްޖެ

ބަންގުލަދޭޝްގެ ވެރިރަށް ޑާކާ ގައި މިހާރު ކުރިއަށްދާ އޭޝިއާޣެ ސެންޓޤރަލް ޒޯން ވޮލީބޯޅަ މުބާރާޓުގައި ރާއްޖޭގެ ގައުމީ ވޮލީ ޓީމު ކުޅުނު ފުރަތަމަ މެޗުގައި ނޭޕާލް އަތުން ބަލިވެއްޖެއެވެ.

ރާއްޖެ ބަލިވީ 3-1 ސެޓުން ނެވެ. ރާއްޖެ މެޗުން ބަލިވި ނަމަވެސް ނޭޕާލާ ދެކޮޅަށް ރާއްޖެ ވަނީ ރަނގަޅު ފައީތެއް ދީފައެވެ.

ފުރަތަމަ ސެޓް ނޭޕާލް ކާމިޔާބު ކުރީ 26-24 ން ނެވެ. ދެ ވަނަ ސެޓޤ ރާއްޖެއިން ގެންދިޔައީ ފަސޭހަ ކަމާއެކު 25-15 އިން ނެވެ.

ތިން ވަނަ ސެޓް ނޭޕާލުން ކާމިޔާބު ކުރީ 25-19 އިން ނެވެ. ފޯރިގަދަ ކޮށް ދިޔަ ހަތަރު ވަނަ ސެޓް ނޭޕާލް ކާމިޔާބު ކުރީ 26-24 ން ނެވެ.

މުބާރާތުގެ ފުރަތަމަ މެޗްގައި ބަނގުލަދޭޝް އާއި އަފްގާނިސްތާން ކުޅުނު މެޗް ބަންގާޅު ޓީމު ކާމިޔާބު ކުރީ 3-1 ސެޓުންނވެ.

ފުރަތަމަ ސެޓް އެޓީމު ކާމިޔާބު ކުރީ 25-15 އިން ނެވެ. ދެ ވަނަ ސެޓް އަފުގާނިސްތާން ކާމިޔާބު ކުރީ 25-18 އިން ނެވެ. ތިން ވަނަ ސެޓް ބަންގާޅު ޓީމު ކާމިޔާބު ކުރީ 25-16 އިން ނެވެ. އަދި ޖެހިގެން އައި ސެޓޤ އެޓީމު ކާމިޔާބު ކުރީ 25-19 އިން ނެވެ.