މިދިޔަ ސީޒަންގައި ރާއްޖޭގެ އެންމެ މޮޅު ކޯޗްގެ އެވޯޑް ޓީސީ ސްޕޯޓްސް ކުލަބުގެ ކޯޗް މުހައްމަދު ނިޒާމް ހޯދައިފި އެވެ.
މިރޭ ބޭއްވި "މޯލްޑިވްސް ފުޓްބޯލް އެވޯޑް" ގައި ނިޒާމް މޮޅު ކޯޗުގެ އެވޯޑް ހޯދީ ދިވެހި ޕްރިމިއާ ލީގް ޗެމްޕިއަން މާޒިޔާގެ ކުރީގެ ކޯޗް އަލީ ސުޒޭން އާއި ޕްރެޒިޑެންޓް ކަޕްގެ ޗެމްޕިއަންކަން ހޯދި އީގަލްސްގެ ކޯޗް އިހްސާން އަބްދުލް ގަނީ އާ ވާދަކޮށެވެ.
ނިޒާމް ވަނީ މިދިޔަ ސީޒަންގެ ހުރިހާ މުބާރާތެއްގެ ރަނަރަފު މަގާމު ހޯދާފަ އެވެ. އަދި އުރީދޫ ދިވެހި ޕްރިމިއާ ލީގްގެ، މިދިޔަ ދެ އަހަރު ވެސް ރަނަރަފު މަގާމު ހޯދީ ނިޒާމްގެ ކޯޗު ކަމުގެ ދަށުން ކުޅުނު ޓީސީ އެވެ.
ކޯޗިންގައި ހަތަކާތްތެރިވާތާ 11 އަހަރު ތެރޭގައި، މިއީ ނިޒާމް އަށް ލިބުނު ފުރަތަމަ އެވޯޑެވެ. ދެހާސް ހަތް ވަނަ އަހަރު އޭނާ ކޯޗް ކޮށްދިން، ވިޔަންސާ ވަނީ ސީޒަންގެ އެއް ވަނަ ކުލަބުގެ އެވޯޑްވެސް ހޯދާފަ އެވެ.
އެވޯޑަށް ނޮމިނޭޓްވި އަނެއް ދެ ކޯޗުންގެ ތެރެއިން ސުޒޭން އެވޯޑް ހަފުލާ އަށް ހާޒިރު ވެފައެއް ވެސް ނުވެ އެވެ.