ކުރީގެ އެއް ވަނަ ދުވުންތެރިޔާ ނަސީރު އިސްމާއީލް ހަދާފައިވާ 10 ކިލޯ މީޓަރުގެ ގައުމީ ރެކޯޑް 17 އަހަރަށްފަހު ޒުވާން ދުވުންތެރިޔާ ޒައިދު ޝަރީފު މުގުރާލައިފި އެވެ. ޒައިދު މި ރެކޯޑް މުގުރާލީ މިދިޔަ ހުކުރު ދުވަހު ބޭއްވި ދުބާއީ މެރަތޮންގައި ވާދަ ކޮށްގެންނެވެ.
އޭނާ ރޭސް ނިންމީ 34 މިނެޓް 40 ސިކުންތުންނެވެ. މިއީ ނަސީރު ރެކޯޑަށް ވުރެ 65 ސިކުންތު ކުރިއެރުމެކެވެ. މީގެ 17 އަހަރު ކުރިން 1999 ވަނަ އަހަރު މާލޭގައި ބޭއްވި މާލޭ މެރެތޮންގައި ނަސީރު އިސްމާއީލް ރޭސް ނިންމީ 35 މިނެޓް ފަސް ސިކުންތުންނެވެ.
ޒައިދަކީ މިހާރުވެސް ގައުމީ ލެވަލްގައި ފާހަގަ ކުރެވޭ އެތުލީޓެކެވެ. އެންމެ ފަހުން ބޭއްވި އަހަރުގެ ދިރާގު ރޯޑު ރޭހުގެ އިތުރުން ގައުމީ އެތްލެޓިކްސް ޗެމްޕިއަންޝިޕްގެ 10 ކިލޯމީޓަރު ދުވުމުން ވެސް އޭނާ ވަނި ރަންމެޑަލް ހާސިލު ކޮށްފަ އެވެ. އަދި މިދިޔަ އަހަރު ބޭއްވި "ރެޑްބުލް ކެޗް ދި ފެރީ" ރޭހުން ތިން ވަނަ ހޯދި އެވެ.
ދެުބާއީ މެރެތޮންގައި ޒައިދު ދުވަނީ -- ފޮޓޯ: އޭއޭއެމް