މާދަމާ ފަށާ ވިމެން ވޯލްޑް ޗެމްޕިއަންޝިޕްގެ ސެންޓްރަލް ޒޯންގެ ކޮލިފިކޭޝަން މުބާރާތުގެ މެޗްތަކުގެ ޓިކެޓް ވިއްކަން ފަށައިފި އެވެ.
މިހާރު ޓިކެޓް ވިއްކަމުން، ދަނީ ހެންވާރު ދަނޑުގައި ހުންނަ ވިއޭއެމްގެ އޮފީހުން ނެވެ. ޓިކެޓް ވިއްކާ އަގަކީ 50 ރުފިޔާ އެވެ.
މެޗް ފެށުމުގެ ދެ ގަޑިއިރު ކުރިން އެ މެޗެއްގެ ޓިކެޓް، ސޯޝަލް ސެންޓަރުން ވެސް ލިބެން ހުންނާނެ ކަމަށް ވިއޭއެމުން ވަނީ ބުނެފަ އެވެ.
މުބާރާތުގެ ފުރަތަމަ މެޗްގައި، ބައްދަލު ކުރަނީ ނޭޕާލާއި ރާއްޖެ އެވެ. ހޮނިހިރު ދުވަހު ކުޅޭ މެޗުގައި ބައްދަލު ކުރާނީ، ނޭޕާލައި އީރާނެވެ. އަދި އާދީއްތަ ދުވަހު ކުޅޭ މެޗުގައި ބައްދަލު ކުރަނީ، ރާއްޖެ އާއި އީރަނެވެ.
ކޮލިފައިންގެ އަނެއް ބުރަށް ދާނީ، އެންމެ ގިނަ ޕޮއިންޓް ހޯދާ ޓީމެވެ. މިއީ ރާއްޖޭގައި ބާއްވާ ފުރަތަމަ ބައިނަލްއަގްވަމީ އަންހެން މުބާރާތެވެ.