މާދަމާ ރާއްޖޭގައި ފަށާ ވިމެން ވޯލްޑް ޗެމްޕިއަންޝިޕްގެ ސެންޓްރަލް ޒޯން ކޮލިފައިން މުބާރާތުގައި، ފަސޭހަ އެއްވެސް ޓީމެއް ނެތް ކަމަށާއި ކޮންމެ ޓީމަކާ ދެކޮޅަށް ކުޅެން ޖެހުނަސް އުނދަގޫ ވާނެ ކަމަށް މުބާރާތުގައި ވާދަ ކުރާ ތިން ޓީމުގެ ކޯޗުން ވެސް ބުނެފި އެވެ.
ދުނިޔޭގެ ވޮލީބޯޅަ ފެޑްރޭޝަން، އެފްއައިވީއައިބީ މުބާރާތެއްގައި މުޅިން އަލަށް ބައިވެރިވާ، ނޭޕަލްގެ ގައުމީ އަންހެން ވޮލީ ޓީމުގެ ކޯޗް ސުދޭޝް ކުމާރު ރިމާލް ބުނީ ތިން ޓީމަކީ ވެސް ޓަފް ތިން ޓީމު ކަމަށެވެ.
އޭނާ ބުނީ، ނޭޕަލް ޓީމު މުބާރަތަށް އައީ ކުޑަ ދުވަސް ކޮޅެއްގެ ތަމްރީން ތަކަށް ފަހު ކަމަށާއި ނަމަވެސް ކުރެވުނު ޕްރެކްޓިސް ތަކާ މެދު ހިތްހަމަޖެހޭ
އިތުރަށް ބުނީ މެޗްތަކުގައި ނެގެން ހުރި އެޑްވާންޓޭޖް އެނގެނީ މެޗްތަކުގެ އިއިވަރުދާ ގޮތުން ކަމަށެވެ.
އިރާންގެ ކޯޗް ސޮލެވޭނިއާގެ މަޖުދާ ލެބޯން ބުނީ، ހުރިހާ ޓީމެއްވެސް ހަމަހަމަ ކަމަށާއި ކޮންމެ ޓީމަކާ ދެކޮޅަށް ކުޅެން ޖެހުނަސް އުނދާގޫ ވަނެ ކަމަށެވެ.
އަދި އޭނާގެ ޓީމުން ރާއްޖެ އައީ މުބާރާތް ކާމިޔަބު ކޮށް، އަންނަ ބުރަށް ދެވޭނެ ކަމުގެ ބޮޑު ޔަގީން ކަމާއެކު ކަމަށެވެ.
"ކޮންމެ ޓީމަކަށްވެސް އޭޑްވާންތޭޖް އަދި ޑިސްއެޑްވާންޓޭޖްވެސް އެބައޮތް، ނަމަވެސް އަހަރެމެންނާ ދެކޮޅަށް ނިކުންނަ ޓީމުގެ ފަރާތުން، އަހަރެމެންނަށް ހޯދެން ހުރި، އެޑްވަންޓޭޖް ހޯދާނަން." މަޖުދާ ބުންޏެވެ.
ރާއްޖޭގެ ކޯޗް މުހައްމަދު އަދީލް ބުނީ ޓަފު ޓީމަކީ ކޮބައިކަން އެނގޭނީ މެޗްތައް ކުޅުމުން ކަމަށެވެ.
"ރާއްޖޭގެ ޓީމަށް ދިމާވާނެ މައްސަލަ އަކީ އެހެން ކުޅުންތެރިންނަށް ވުރެ ދިވެހި ކުޅުންތެރިން އިސްކޮޅުން ކުރުކަން، ނަމަވެސް ރާއްޖެއަށް ހޮމް އެޑްވާންޓޭޖް ނެގެން އޮތް އެންމެ ބޮޑަކަށް ނަގަން މަސައްކަތް ކުރާނަން." އަދީލް ބުންޏެވެ.
ރާއްޖޭގެ ކެޕްޓަން އައިޝަތު ޝައްފަ ބުނީ ޑިސެމްބަރު ފަހުން ކޮޅުން ފެށިގެން ތީމުން ވަރަށް ބުރަކޮށް ޕްރެކްޓިސް ކޮށްފައިވާނެ ކަމަށެވެ.