ރާއްޖޭގައި މިއަދު ފެށި، ވިމެން ވޯލްޑް ޗެމްޕިއަންޝިޕްގެ، ސެންޓަރަލް ޒޯން ކޮލިފައިން މުބާރާތުގެ ފުރަތަމަ މެޗުގައި ނޭޕާލް އަތުން ރާއްޖެ ބަލިވެއްޖެ އެވެ. ނޭޕާލް، މެޗް ކާމިޔާބު ކުރީ ސީދާ ތިން ސެޓުން ނެވެ.
ނޭޕާލް ޓީމުން ފުރަތަމަ ދެ ސެޓް ކާމިޔާބު ކުރީ، 25-17 ން ނެވެ. ތިން ވަނަ ސެޓް ކާމިޔާބު ކުރީ 25-13 އިން ނެވެ. މެޗްގައި ރާއްޖެ އަށް ދިމާވި އެންމެ ބޮޑު މައްސަލަ އަކީ، ސެޓް ތަކުގެ ކުރީކޮޅު ޑޮމިނޭޓް ކުރެވުނަސް، ލިޑް ގައި ނުހިފެހެއްޓު މެވެ.
މެޗުގެ ކުރިން، ވަނީ، މުބާރާތުގެ ހުޅުވުމުގެ ރަސްމިއްޔާތު ބާއްވާފަ އެވެ. ހުޅުވުމުގެ ރަސްމިއްޔާތުގައި، މުބާރާތުގައި ވާދަ ކުރާ އަނެއް ޓީމު ކަމަށްވާ، އީރާންގެ ކުޅުންތެރިން ނާއި އޮފިޝަލުން ވެސް، ވަނީ ހުޅުވުމުގެ ރަސްމިއްޔާތުގައި ބައިވެރިވެފަ އެވެ. ހުޅުވުމުގެ ރަސްމިއްޔާތު ޝަރަފުވެރި ކޮށްދެއްވީ، ޔޫތު މިނިސްޓަރު އިރުތިޝާމް އާދަމް އެވެ.
މުބާރާތުގައި މާދަމާ ކުޅޭ މެޗުގައި ވާދަ ކުރާނީ، ނޭޕާލާއި އިރާން އެވެ.