ލ. މުންޑޫގައި ރޭ ހިންގި މާރާމާރީއެއްގައި މީހަކު މަރާލުމުގެ ތުހުމަތުގައި ހަތަރު މީހަކު ފުލުހުން ހައްޔަރުކޮށްފި އެވެ.
"އަވަސް" އަށް ކަށަވަރުވެފައިވާ ގޮތުގައި މިއަދު ހެނދުނު ހައްޔަރުކޮށްފައި ވަނީ ލ. މާބައިދޫ މީހަކާއި މުންޑޫއަށް ނިސްބަތްވާ ދެ މީހެކެވެ. އަދި އަނެއް މީހާގެ މައުލޫމާތެއް ނޭނގެ އެވެ. އެ މީހުން މިވަގުތު ހައްޔަރު ކޮށްފައި ތިބީ ވެސް މުންޑޫގަ އެވެ.
ރޭ ގާތްގަނޑަކަށް 11:00 އެހާކަން ހާއިރު، ދެ މީހުންގެ ގްރޫޕަކުން ވަޅި ހަރައި މަރާލާފައި ވަނީ މުންޑޫ ނޫވިލު އަލީ ޒިއަދަމް އެވެ. އަދި އޭނާގެ ގަޔަށް ވަޅި ހަރައި މަރާލީ މުންޑޫ ގެއެއްގެ ކައިރީގައި އޭނާ ހުއްޓައި އެ ރަށު ދެ މީހަކު އޭނާއަށް ހަމަލާން ދޭން އަންނަތަން ފެނިގެން ގެެއެއްގައި ބަދިގެއެއްގެ ތެރޭގައި ފިލާ އޮއްވަ އެވެ.
ޒިއަދަމް މަރާލި އިރު އޭނާގެ ތުއްތު ކުއްޖަކު ވެސް ހުރެއެވެ. އޭނާ މިވަގުތު އުޅެނީ ކައިވެންޏެއްކޮށްގެނެއް ނޫނެވެ. އޭނާއަކީ ވައްކަމުގެ ރިކޯޑް އޮންނަ މީހެކެވެ. އެ މައްސަލަ ތަހުގީގު ކުރަން ފުލުހުންގެ ޓީމެއް އަންނަނީ ހަރަކާތްތެރިވަމުންނެވެ.