- އައިޓީބީ ފެއާ އަންނަ މަހު 8 އިން 12 އަށް
- މި އަހަރު ވެސް ގިނަ ބަޔަކު ބައިވެރިވޭ
- ރާއްޖެ ޕްރޮމޯޓް ކުރަން ރަނގަޅު ޕްލެޓް ފޯމެއް
އަންނަ މަހު ބާއްވާ، "އައިޓީބީ 2017" ފެއާގައި 88 ކުންފުނިން، 260 ބައިވެރިން ބައިވެރިވާނެ ކަމަށް މޯލްޑިވްސް މާކެޓިން އެންޑް ޕީއާރް ކޯޕަރޭޝަން (އެމްއެމްޕީއާރުސީ) އިން ބުނެފި އެވެ.
ޖަރުމަނުވިލާތުގައި އޮންނަ އައިޓީބީ ފެއާގެ ބައިވެރިންނަށް މިއަދު ވަނީ ބައްދަލުވުން ބާއްވާފަ އެވެ.
އެމްއެމްޕީއާރުސީން ބުނި ގޮތުގައި އަންނަ މަހުގެ 8-12 އަށް ކުރިއަށްދާ އައިޓީބީ ފެއާގައި ރާއްޖޭގެ ވަފުދުގެ އިސް ބޭފުޅެއްގެ ގޮތުގައި ބައިވެރިވެވަޑައި ގަންނަވަނީ ޓޫރިޒަމް މިނިސްޓަރު މޫސާ ޒަމީރެވެ. މީގެ އިތުރުން އެމްއެމްޕީއާރުސީގެ އެކްޓިން މެނޭޖިން ޑިރެކްޓަރު ހާރިސް މުހައްމަދު ވެސް ބައިވެރިވެ ވަޑައިގަންވާނެ އެވެ.
މި އަހަރުގެ އައިޓީބީ ފެއާގައި ބައިވެރިވާ ފަރާތްތަކަށް ވެސް ގިނަ ފުރުސަތު ތަކެއް ހުޅުވޭނެ އެވެ. މިގޮތުން ޓްރެވަލް އެޖެންސީތަކާއި ޓޫރިޒަމް ދާއިރާގެ ބޮޑެތި ވިޔަފާރިވެރިން މި އިވެންޓުގައި ބައިވެރިވާނެ އެވެ.
އައިޓީބީ ފެއާގައި ބައިވެރިވެރިވާން ޓޫރިޒަމް ދާއިރާ އިން ތައްޔާރުވަމުންދާއިރު މިދިޔަ އަހަރުގެ ހޮސްޓް ކަންޓްރީއަކީ ވެސް ރާއްޖެ އެވެ. މިދިޔަ އަހަރުގެ ފެއާގައި ރާއްޖޭގެ ސަގާފީ ހަރަކާތައް ދައްކާލުމަށް ގިނަ އިވެންޓްތަކެއް ވެސް ކުރިއަށް ގެންދިޔަ އެވެ.