ޗެމްޕިއަންސް ލީގުގެ ކްއާޓާ ފައިނަލްގައި އެންމެ ފަހުގެ ޗެމްޕިއަން ރެއާލް މެޑްރިޑާއި ޖަރުމަންގެ ބަޔާން މިއުނިކް ބައްދަލު ކުރަންޖެހިއްޖެ އެވެ.
ޗެމްޕިއަންސް ލީގުގެ ކުއާޓާ ފައިނަލްގެ ގުރު މިއަދު ނެގިއިރު، އެންމެ ފާހަގަކޮށްލެވެނީ ބާސެލޯނާ އާއި ޔުވެންޓަސްގެ ކުރިމަތިލުމެވެ. ކުއާޓާގައި އެތުލެޓިކޯ މެޑްރިޑާ ދެކޮޅަށް ނުކުންނަނީ ލެސްޓާ ސިޓީ އެވެ. އަދި ބޮރޫޝިއާ ޑޯޓްމަންޑާ ވާދަކުރާނީ މޮނާކޯ އެވެ.
ބަޔާންގެ ކޯޗަކީ ރެއާލަށް ކުރިން ކޯޗުކޮށްދިން އިޓަލީގެ ކާލޯ އެންޗަލޮޓީ އެވެ. ދެހާސް ސާދަ ވަނަ އަހަރު ރެއާލުން ޗެމްޕިއަންސް ލީގު ކާމިޔާބުކުރީ އެންޗަލޮޓީގެ އިރުޝާދުގެ ދަށުންނެވެ.
ޔުވެންޓަސް އާއި ބާސާ ވަނީ 2015 ވަނަ އަހަރު ޗެމްޕިއަންސް ލީގުގެ ފައިނަލްގައި ވާދަކޮށްފަ އެވެ. އެ އަހަރުގެ ފައިނަލްގައި ބާސާާ ވަނީ ޔުވެންޓަސް ބަލިކޮށްފަ އެވެ. މިއީ 2015 ވަނަ އަހަރު ޗެމްޕިއަންސް ލީގުގެ ފައިނަލްގައި ވާދަކުރި ފަހުން، ޔުވެންޓަސް މުބާރާތުގެ ކުއާޓާ ފައިނަލްގައި ކުޅޭ ފުރަތަމަ ފަހަރެވެ.
ޗެމްޕިއަންސް ލީގުގެ ކުއާޓާ ފައިނަލްގެ ފުރަތަމަ ލެގު ކުޅޭނީ އޭޕްރީލް މަހުގެ 11 އަދި 12 އިގަ އެވެ. ދެވަނަ ލެގު ކުޅޭނީ އޭޕްރީލް މަހުގެ 18 އަދި 19 އިގަ އެވެ.
