އެމެރިކާގެ ފްލޮރިޑާގައި 13 އަހަރުގެ ކުއްޖަކު އޭނާގެ ހަ އަހަރުގެ ކޮއްކޮގެ ގަޔަށް ބަޑިޖަހައި މަރާލައި އަދި ބޭބެއަކު ޒަހަމްކޮށްލުމަށް ފަހު އަމިއްލަ އަށް މަރުވެއްޖެ އެވެ.
ފްލޮރިޑާ ފުލުހުން ބުނީ މި ހާދިސާ ހިނގާފައި ވަނީ ބުދަ ދުވަހު ކަމަށާއި 13 އަހަރުގެ ކުއްޖާ ބަޑި ޖެހީ މަންމަ ވަޒީފާ އަށް ގޮސްވީ ވަގުތު ކަމަށެވެ. ކެއުމުގެ ތެރޭގައި އުފެދުނު ދެބަސްވުމަކަށް ފަހު 13 އަހަރުގެ ފިރިހެން ކުއްޖާ ހަ އަހަރުގެ ފިރިހެން ކޮއްކޮ ގަޔަށް ބަޑި ޖަހާ މަރާލުމަށް ފަހު 18 އަހަރުގެ ބޭބެ އަށް ވެސް ހަމަލާ ދިނެވެ. ނަމަވެސް ޒަހަމްތަކާ އެކު އޭނާ ވަނީ ސަލާމަތް ވެފަ އެވެ.
ބަޑި ޖެހި ކުއްޖާ މަރުވެފައިި ވަނީ ވެސް ކޮއްކޮ އަށް ހަމަލާ ދިން ބަޑި ބޭނުންކޮށްގެންނެވެ.
މި ހާދިސާ ހިނގިކަން 911 އަށް ރިޕޯޓްކޮށްފައި ވަނީ ހަމަލާގައި ޒަހަމްވި 18 އަހަރުގެ ޒުވާނާ އެވެ.