ރޯދަ މަހު ގިނަ ބަޔަކު ރޯދަ ވީއްލަން ދެ އެވެ. އެހެންވެ ރެސްޓޯރެންޓް ތަކުން ވަނީ މި އަހަރުވެސް ރޯދަ ވީއްލުމަށް ތައްޔާރުވެފަ އެވެ. މިގޮތުން އެންމެ ހާއްސަ އެއް ތަނަކަށް "އޮކްސިޖަން" ވާނެ އެވެ. މި ރެސްޓޯރެންޓުން ވެސް ވަނީ ރޯދަ މެނޫއެއް ނެރެފަ އެވެ. މި ރޯދަ މެނޫވަނީ މުޅި ރޯދަ މަހަށް ހެޔޮވަރު ރަހަތައް ހިމަނާފަ އެވެ.
"އޮކްސިޖަން" އިން ކޮންމެ ދެ ދުވަހަށް އާ މެނޫއެއް ފެނިގެންދާނެ އެވެ. މިއަދަކީ ރޯދަ މަހުގެ ފުރަތަމަ ދުވަސް ކަމަށްވުމުން މެނޫ ވެސް ވަނީ ވަރަށް ހާއްސަ ކޮށްލާފަ އެވެ. މިއަދުގެ މެނޫގައި ތިން ވައްތަރެއްގެ "ޑްރިންކް" ލިބޭނެ އެވެ. އަދި "ޝޯޓް އީޓްސް" އާއި "މެއިން ޑިޝް" އަދި ފޮނި އެއްޗި ވެސް ލިބެން ހުރެ އެވެ. މި މެނޫގައި ހުރި ބުއިންތަކުގެ ތެރޭގައި ކަރާ ފަނީގެ އިތުރުން އަލަނާސި ފަނި ވެސް ހިމެނެ އެވެ. މީގެ އިތުރުން ރޮއްޓާއި ފެން ފޮޅީގެ އިތުރުން 14 ބާވަތެއް ހަމައެކަނި މެއިން ޑިޝްގެ ބައިގައި ހިމަނާފައިވެ އެވެ. އަދި ފޮނި ކާތަކެތީގެ ބައިގައި ވެސް ހަތް ވައްތަރެއް ހިމެނެ އެވެ.
ބޮޑު ތަކުރުފާނު މަގު، ހ. ކޮރަލްރީފުގައި ހިންގާ، މަޝްހޫރު އޮކްސިޖަންގައި ހޮނިހިރު- ބުދަ ދުވަހުގެ މެނޫވެސް ތަފާތެވެ. އަދި ހޯމަ- ބުރާސްފަތި ދުވަހުގެ މެނޫގެ އިތުރުން ހުކުރު ދުވަހުގެ ރަހަތައް ވެސް ވަނީ އާކޮށްލާފަ އެވެ. މި މެނޫގެ އަގު އުޅެނީ މީހަކަށް 195ރ. އަށެވެ.
"އޮކްސިޖަން" އަށް މި އަހަރުގެ ރޯދަ މަހު ރޯދަ ވީއްލަން ދާ މީހަކަށް އެއާކޯން ބައިގައި މީރު ކެއުންތަކަށް އިންސާފު ކޮށްލުމުގެ ފުރުސަތު ވެސް އޮންނާނެ އެވެ. މުޅި ރެސްޓޯރެންޓުގައި 150 ވަރަކަށް މީހުންގެ ޖާގަ އޮންނާނެ އެވެ. އަދި "ސްމޯކް" ކުރާ މީހުންނަށް ހާއްސަކޮށް މަތީގައި ބައެއް ހަދާފައިވެ އެވެ. ކޮންމެއަކަސް މި ރޯދަ މަހަށް އޮކްސިޖަން އޮތީ ތައްޔާރުވެފަ އެވެ. އެކަމަށްޓަކައި މުޅި ރޯދަ މަހުގެ މެނޫގެ ރަހަތައް ވަނީ ހެޔޮވަރު ކޮށްލާފަ އެވެ.