މާލޭގައި ޒުވާނެއް ގަޔަށް ވަޅި ހަރައި ޒަހަމްކޮށްލައިފި އެވެ.
ފުލުހުންގެ މީޑިއާ އޮފިޝަލަކު ވިދާޅުވީ މިއަދު 1:30 ހާއިރު ނަލަހިޔާ ކައިރިން 22 އަހަރުގެ ޒުވާނަކަށް ތޫނު އެއްޗަކުން ހަމަލާަދީ ޒަހަމްކޮށްލާފައިވާ ކަމަށެވެ. އަދި އެ މީހާއަށް އައިޖީއެމްއެޗް އިން ފަރުވާދެމުން އަންނަ ކަމަށާއި ހާލު ސީރިޔަސް އެއް ނޫން ކަމަށް އޮފިޝަލް ވިދާޅުވި އެވެ.
ފަހަކަށް އައިސް މާލެ ތެރޭގައި ގޭންގް މާރަމާރީތައް ވަނީ ގިނަވެފަ އެވެ. އެގޮތުން މި ހަފްތާ ތެރޭގައި ވެސް އެކި ދުވަސްތަކުގެ މަތިން މާރަމާރީތަކުގައި މީހުންނަށް ވަނީ ވަޅިން ހަމަލާދީފަ އެވެ. އެހެންކަމުން މާލެ ތެރޭގައި ފުލުހުން ހަރަކާތްތެރިވާ މިންވަރުވެސް ވަނީ އިތުރުވެފަ އެވެ. އެގޮތުން ބައެއް ގޭންގުތައް ހުންނަ ސަރަހައްދުތަކުގައި ފުލުހުން ސެކިއުރިޓީއަށް މިހާރު ތިބެ އެވެ.
މި ދުވަސްވަރު މާރަމާރީތަކައި ރޭވިގެން ހިންގާ ކުށުގެ އަމަލުތައް އިންތިހާއަށް ގިނަަވެފައިވާ ކަމަށް ވެސް ފުލުހުން ވަނީ ބުނެފަ އެވެ. އަދި އެ ހުއްޓުވުމަށް އަޅަން ޖެހޭ ފިޔަވަޅުތައް ފުލުހުން ގެންދަނީ އަޅަމުންނެވެ.