ފުލުހުންގެ ސަފުތައް ފަޅާލުމުގެ ތުހުމަތުގައި ޖުމްހޫރީ ޕާޓީގެ ޑެޕިއުޓީ ލީޑަރު އަބްދުﷲ ރިޔާޒު ފުލުހަށް ހާޒިރުވާން އަންގައިފި އެވެ.
ކުރީގެ ޕޮލިސް ކޮމިޝަނަރު ރިޔާޒު ފުލުހަށް ހާޒިރުވާން އެންގީ މިރޭ 8:00 އަށެވެ. އޭނާ ފުލުހަށް ހާޒިރު ކުރަނީ މިދިޔަ ހޯމަ ދުވަހު ފުލުހުންގެ ސަފުތައް ފަޅާލުމަށް ފަހު މަޖިލީހަށް ވަތްކަމުގެ ތުހުމަތުގަ އެވެ.
މީގެ ކުރިން އެފަދަ ތުހުމަތެއްގައި ތުލުސްދޫ ދާއިރާގެ މެންބަރު މުހައްމަދު ވަހީދު، ވައްޑޭ އާއި ވިލިގިލީ ދާއިރާގެ މެންބަރު ސައުދު ވެސް ހައްޔަރު ކުރި އެވެ. ވައްޑޭގެ ބަންދަށް 15 ދުވަސް ޖަހައި އަދިވެސް ބަންދުގައި ހުރި ނަމަވެސް މެންބަރު ސައުދު ހައްޔަރު ކުރުމުގެ އަމުރު ގޯސްކޮށް ނެރެވިގެން އޭނާ ވަނީ ފުލުހުން ރޭ ދޫކޮށްލައިފަ އެވެ.