މޯލްޑިވްސް ޑެސްޓިނޭޝަން ގައިޑް ނެރެފި

ރާއްޖޭގެ އޮފިޝަލް މެގަޒިން "މޯލްޑިވްސް ޑެސްޓިނޭޝަން ގައިޑް 2018" ވޯލްޑް ޓްރެވަލް މާކެޓުގައި ނެރެފި އެވެ

މެގަޒިން ނެރޭ، ފީލް އިންވެސްޓްމަންޓުން ބުނި ގޮތުގައި އެންއެފްސީ ފީޗާއާއެކު ނެރުނު ފުރަތަމަ މެގަޒިން އެވެ.

އެ ކުންފުނިން ބުނި އެންފެސީ ފީޗާގެ ސަބަބުން މެގަޒިންއަށް ލިބޭ ތަރުހީބު ބޮޑުވެ، ޑައުންލޯޑް އިތުރު ވެގެންދާނެ ކަމަށެވެ. އަދި މި މެގެޒިންވެސް 10 ބަހުން ތަރުޖަމާކޮށް، 40،000 ކޮޕީ ޕްރިންޓް ކުރާނެ ކަމަށް ފީލް އިންވެސްޓްމަންޓުން ބުނެފައިވެ އެވެ.

އެ ކުންފުނިން ވަނީ "މޯލްޑިވްސް ޑެސްޓިނޭޝަން ގައިޑް" ގެ އެޕެއްވެސް ނެރެފަ އެވެ. މި އެޕުގެ މެއިން ސްޕޮންސާއަކީ އުރީދޫ މޯލްޑިވްސް އެވެ. އަދި އެ ކުންފުނިން ވަނީ އަންނަ އަހަރު އޮންނަ އައިޓީބީ ފެއާ އާއި ދެކުނު އެފްރިކާގައި އޮންނަ "ޑަބްލިއުޓީއެމް ސައުތު އެފްރިކާ" އިވެންޓުގައި ހާއްސަ ކަންތައްތަކެއް ކުރުމަށް ރާވާފަ އެވެ.