މިދިޔަ މަހު ރާއްޖެއަށް ޒިޔާރަތް ކުރި ޓޫރިސްޓުންގެ އަދަދު މިދިޔަ އަހަރުގެ އެ މުއްދަތާ އަޅާ ބަލާއިރު 8.9 ޕަސެންޓް އިތުރުވެއްޖެ އެވެ.
ޓޫރިޒަމް މިނިސްޓްރީގެ ތަފާސްހިސާބުތައް ދައްކާ ގޮތުން މިދިޔަ މަހު ރާއްޖެ އަށް 127،986 ޓޫރިސްޓުން އައިސްފައިވެ އެވެ. ނަމަވެސް މިދިޔަ އަހަރުގެ އޮގަސްޓު މަހު އައީ 117,489 މީހުންނެވެ. މިއީ 8.9 ޕަސެންޓް ކުރިއެރުމެކެވެ.
މިދިޔަ މަހު އެންމެ ގިނައިން ޓޫރިސްޓުން އައި ޗައިނާ އިން ރާއްޖެއަށް ޒިޔާރަތް ކޮށްފައިވަނީ 28،689 ޓޫރިސްޓުނެވެ. މިއީ މިދިޔަ އަހަރުގެ މި މުއްދަތުގައި އައި 29,444 މީހުންނާ އަޅާބަލާއިރު، 2.6 ޕަސެންޓް ދަށް ވުމެކެވެ. އަދި ދެވަނައަށް މަހު ދެވަނަ އަށް އެންމެ ގިނަ ޓޫރިސްޓުން އައި ޖަރުމަނުން 15،007 ޓޫރިސްޓުން އައިސްފައިވެ އެވެ.
މިދިޔަ މަހު ރާއްޖޭގެ އޮކިއުޕަންސީ ރޭޓް ހުރީ 64.8 ޕަސެންޓުގަ އެވެ. އަދި ރާއްޖޭގައި 126 ރިސޯޓު ހިންގަމުން ދިޔަ އެވެ.