ޓޫރިޒަމަށް ބިން ކުއްޔަށް ދީގެން، ކުލީގެ ގޮތުގައި ލިބުނު އާމްދަނީ އެއް ބިލިއަން ރުފިޔާއަށް ވުރެ އިތުރު ވެއްޖެ އެވެ.
މޯލްޑިވްސް އިންލަންޑް ރެވެނިއު އޮތޯރިޓީ (މީރާ) ގެ ހިސާބުތައް ދައްކާ ގޮތުގައި މިދިޔަ މަހުގެ ނިޔަލަށް ޓޫރިޒަމަށް ބިން ކުއްޔަށް ދީގެން ލިބިފައިވަނީ 1,118 ބިލިއަން ރުފިޔާ އެވެ. މިއީ މިދިޔަ އަހަރު ލިބުނު 1,154 ބިލިއަން ރުފިޔާ އެވެ.
ޓޫރިޒަމް ބިމު ކުލި އިތުރުވިއިރު ސަރުކާރުން ވަނީ ރިސޯޓު ތަރައްގީ ކުރުމަށް ވޭތުވެދިޔަ ތިން އަހަރު ގިނަ ރަށްތަކެއް ދޫކޮށްފަ އެވެ. ޓޫރިޒަމް ގާނޫނަށް ގެނެސްފައިވާ އިސްލާހަކާއެކު، ބިޑު ނުކޮށް ވެސް ރަށްތައް ދޫކުރެވެ އެވެ. މިގޮތުން މިހާރު ވެސް 11 ރަށެއް އިއުލާނުކޮށްފައިވެ އެވެ.
ޓޫރިޒަމް ބިމު ކުލި އިތުރުވެފައިވާއިރު ގިނަ އަދަދެއްގެ ރިސޯޓުތަކެއް ވެސް ވަނީ ހުޅުވާފަ އެވެ. ވޭތުވެދިޔަ ދެ އަހަރު 20 ރިސޯޓެއް ހުޅުވާފައިވެ އެވެ. އަދި މި ރިސޯޓުތަކުގެ ސަބަބުން ޓޫރިޒަމް އެނދުގެ އަދަދު މިހާރު ވަނީ 40،000 އަށްވުރެ އިތުރުވެފަ އެވެ.