މޫނުމަތިން އަބަދު ރުޅިވެރިކަން ދައްކައިގެން އޮންނަ ކަމަށް ފެންނަ މި ބުޅަލަކީ "ގްރަމްޕީ ކެޓް" ގެ ނަމުން ބޮޑު މަޝްހޫރު ކަމެއް ހޯދާފައިވާ ބުޅަލެކެވެ. މި ބުޅަލަކީ އެމެރިކާގެ ކެލިފޯނިއާއަށް ނިސްބަތްވާ މީހެއްގެ ބުޅަލެކެވެ.
މި ބުޅާ ބޭނުން ކޮށްގެން ނުހައްގު ވިޔަރިއެއް ކުރި މައްސަލާގގައި ކެލިފޯނިއާގެ ކޯޓަކުން ވަނީ 7 މިލިއަން ޑޮލަރު ބުޅަލަށް ދޭން ހުކުމެއް ކޮށްފަ އެވެ.
މި ހުކުމް ކޮށްފައިވަނީ އެ ސްޓޭޓްގެ ފިނި ބުއިންތައް އުފައްދާ ކުންފުންޏެއް ކަމަށްވާ ގްރެނެޑް ބެވެރޭޖް ކޮމްޕެނީ އާއި ދެކޮޅަށެވެ.
މިއީ މީގެ ތިން އަހަރު ކުރިން ބުޅާ ބޭނުން ކޮށްގެން އެމީހުން ޕްރޮމޯޓް ކުރަމުންދިޔަ ފިނި ބުއިން "ގްރަމްޕީ ކެޓް ގްރަމްޕަޗީނޯ" ގެ ފަހުން ބުޅަލުގެ ވެރިފަރާތަށް އެނގުމަކާ ނުލައި ބުޅަލުގެ ފޮޓޯ ބޭނުން ކޮށްގެން އެ ކުންފުނީގެ އެހެން ބުއިމެއް ޕްރޮމޯޓް ކުރުމުން ބުޅަލުގެ ވެރިފަރާތުން ޖެއްސި މައްސަލައިގެ ޝަރީއަތަށް އައި ހުކުމެކެވެ.