ހުޅުމާލޭގައި އެކްސިޑެންޓެއް ހިނގައި އެކަކުގެ ހާލު ސީރިއަސްވެ މާލެ ގެނައުމުގެ މަސައްކަތް ފަށައިފި އެވެ.
އާސަންދަގެ މީޑިއާ އޮފިޝަލު އާޝިޔާ ސޯލިހު ވިދާޅުވީ، ހުޅުމާލޭގައި މިރޭ ހިނގި އެކްސިޑެންޓެއްގައި ދެ މީހަކަށް އަނިޔާވެފައިވާ ކަމަށާއި އެތަނުން އެކަމުގެ ހާލު ސީރިއަސް ކަމަށެވެ. އަދި އެ ދެ މީހުން ވެސް ހުޅުމާލެ ހޮސްޕިޓަލަށް ގެންގޮސް ފަރުވާދެމުންދާ ކަމަށް އާޝިޔާ ވިދާޅުވި އެވެ.
އާޝިޔާ ވިދާޅުވީ، އެކްސިޑެންޓްގައި އަނިޔާވެފައިވަނީ ދެބެއިންނަށް ކަމަށާއި ހާލު ސީރިއަސްވެފައިވަނީ އުމުރުން 25 އަހަރުގެ ފިރިހެނެއް ކަމަށެވެ. އަދި އޭނާ އޭޑީކޭ ހޮސްޕިޓަލަށް ގެނައުމުގެ މަސައްކަތް ކުރުމުންދާ ކަމަށެވެ.
އެކްސިޑެންޓްގައި އަނިޔާވި ދެވަނަ މީހާގެ ހާލު ރަނގަޅު ކަމަށާއި އޭނާއަށް ސީރިއަސް އަނިޔާތަކެއް ލިބިފައިނުވާ ކަމަށް އާޝިޔާ ވިދާޅުވި އެވެ.