- ވިސާ ސެންޓަރު ހުރި ފޮރިން މިނިސްޓްރީގައި
- ހުކުރު ދުވަހު ވެސް ސެންޓަރުން ހިދުމަތް ލިބޭ
- އޮންލައިންކޮށް އެޕޮއިންޓްމަންޓް ހެއްދޭ
މި އަހަރުގެ މާޗް މަހު، ޖަރުމަނުގައި އޮންނަ އައިޓީބީ ބާލިން ފެއާ އަށް ދާ މީހުންނަށް ރާއްޖެ އިން ވިސާ އެޕްލައިކުރޭ ގޮތް ހަމަޖައްސައިފި އެވެ.
ފޮރިން މިނިސްޓްރީން ބުނި ގޮތުގައި ރާއްޖޭގެ ޖަރުމަނަށް ދަތުރު ކުރާ ދިވެހިންނަށް ލުއިފަސޭހަކަމާއެކު ވިސާ އަށް އެދެވޭނެ އިންތިޒާމު ހަމަޖައްސާފައިވާ ކަމަށެވެ. އެގޮތުން މިމަހުގެ ހަތްވަނަ ދުވަހުގެ ނިޔަލަށް ވިސާ "އެޕްލިކޭޝަން ސެންޓަރެއް" ގާއިމުކުރުމަށް ނިންމާފައިވާ ކަމަށެވެ.
ޖަރުމަނު، ވިސާ ސެންޓަރު ގާއިމް ކުރަނީ ފޮރިން މިނިސްޓްރީގަ އެވެ. މި ހިދުމަތް ލިބޭނީ ހެނދުނު 09:00 އިން ހަވީރު 18:00 އަށެވެ. ހުކުރު ދުވަހު ވެސް މި ސެންޓަރުގެ ހިދުމަތް ލިބޭނެ އެވެ. ނަމަވެސް ހުކުރު ދުވަހު ސެންޓަރުގެ ހިދުމަތް ލިބޭނީ މެންދުރު ފަހު 2:00 އިން 18:00 އަށެވެ.
ފޮރިން މިނިސްޓްރީން ބުނީ ވިސާ އެޕްލިކޭޝަން ސެންޓަރުގެ ހިދުމަތް ހޯއްދަން ބޭނުންމަ "އޮންލައިންކޮށް ވިސާ އެޕްލިކޭޝަން" ފުރިހަމަ ކުރެއްވުމަށްފަހު އޮންލައިންކޮށް އެޕޮއިންޓްމަންޓް ހެދޭނެ ކަމަށެވެ. އެޕޮއިންޓްމެންޓް ހެދުމުގެ ފުރުސަތު އޮތީ މިމަހުގެ ފަސްވަނަ ދުވަހުގެ ރޭގަނޑު 11 ޖަހަންދެން ކަމަށެވެ.
އައިޓީބީ ފެއާއަކީ ރާއްޖޭން ގިނަ އަދަދެއްގެ ޓޫރިޒަމް ވިޔަފާރިވެރިން ބައިވެރިވާ ފެއާއެވެ.
