ރަސްފަންނު

ގްލޯރިއާ ޖީންސް ކޮފީ އައުޓްލެޓް ހުޅުވައިފި

Apr 2, 2018
6
ޕެވީލިއަންގައި ގާއިމް ކުރި ގްލޯރިއާ ޖީންސް ކޮފީ އައުޓްލެޓް މިރޭ މެޑަމް ފާތުމަތު އިބްރާހިމް ހުޅުވައި ދެއްވަނީ: މި ބްރޭންޑް ބޮޑެތި އާބާދީތަކަށް ވެސް ގެންދާނެ -- އަހުމަދު ޝުރާއު | އަވަސް
0%
0%
0%
  • މި ބްރޭންޑް ކުޅުއްދުއްފުޓާއި އައްޑުއަށް
  • އާބާދީ ބޮޑު ރަށްރަށް ފްރެންޗައިސްތައް ގެންދާނެ
  • ފުރަތަމަ އައުޓްލެޓް ހުޅުވައި ދެއްވީ މެޑަމް

މާލޭގެ ރަސްފަންނުގައި ތަރައްގީ ކޮށްފައިވާ ޕެވީލިއަންގައި އޮސްޓްރޭލިއާގެ މަޝްހޫރު ފްރެންޗައިޒް ބްރޭންޑެއް ކަމަށްވާ، "ގްލޯރިއާ ޖީންސް ކޮފީ" އައުޓުލެޓް މިރޭ ހުޅުވައިފި އެވެ. ޕެވީލިއަންގައި ފުރަތަމަ ފަހަރަށް ބޭއްވި ހާއްސަ ރަސްމިއްޔާތުގައި ގްލޯރިއާ ޖީންސް ކޮފީ ހުޅުވާދެއްވީ ރައިސުލްޖުމްހޫރިއްޔާގެ އަނބިކަބަލުން ފާތުމަތު އިބްރާހިމް އެވެ. އެކަމަނާ އެ ހިދުމަތް ހުޅުވައި ދެއްވުމާއެކު ހަވާ އަރުވާފައި ވެއެވެ.

ދުނިޔޭގެ އެންމެ ޒަމާންވީ އެއް ކޮފީ ޗެއިން ކަމަށްވާ ގްލޯރިއާ ޖީންސް ކޮފީ ހުޅުވުމުގެ ރަސްމިއްޔާތުގައި ވާހަކަފުޅު ދައްކަވަމުން އިކޮނޮމިކް މިނިސްޓަރު މުހައްމަދު ސައީދު ވިދާޅުވީ ގްލޯރިއާ އޮސްޓްރީލިއާގެ ފްރެންޗައިޒް ބްރޭންޑެއް ރާއްޖޭގައި ހުޅުވާއިރު އެ ބްރޭންޑް ވަރަށް އަވަހަށް އައްޑޫ ސިޓީއާއި ހދ. ކުޅުއްދުއްފުށީގައި ވެސް ހުޅުވާނެ ކަމަށާއި އޭގެ އިތުރުން ބޮޑެތި އާބާދީތަކުގައި ވެސް އެފެދަ އެހެން ފްރެންޗައިޒްތައް ހުޅުވާނެ ކަމަށެވެ. އޭގެ އިތުރުން އެ ގްލޯރިޔާ ޖީންސް ކޮފީގެ ހިދުމަތް ދިނުމަށް 80 ޕަސަންޓު ދިވެހި ޒުވާނުން ވަޒީފާއަށް ނެރޭނެ ކަމަށް ކުންފުނިން ޔަގީންކަން ދޭ ކަމަށް ވެސް ސައީދު ވިދާޅުވި އެވެ.

މާލޭގެ ރަސްފަންނުގައި ތަރައްގީ ކޮށްފައިވާ ޕެވީލިއަންގައި އޮސްޓްރޭލިއާގެ މަޝްހޫރު ފްރެންޗައިޒް ބްރޭންޑެއް ކަމަށްވާ، "ގްލޯރިއާ ޖީންސް ކޮފީ" އައުޓުލެޓް ހުޅުވުން:- އަހުމަދު ޝުރާއު | އަވަސް

"ދުނިޔޭގެ ބޮޑެތި ބްރޭންޑުތައް ރާއްޖެ އައުމަކީ ރާއްޖެ ބޮއިކޮޓް ކުރުމަށް ގޮވާލާ ފަރާތްތައް މާޔޫސްވާ ދުވަހެއް ކަމަށާއި އެހެންވެ ރާއްޖެ ތަރައްގީއަށް ހުޅުވޭ މި ޒަމާނަށް ވަޑައިގަންނަވަން އަޅުގަނޑު އެ ބޭފުޅުންނަށް ވެސް ދައުވަތު އަރުވަން،" ސައީދު ވިދާޅުވި އެވެ.

ގްލޯރިއާ ޖީންސް ކޮފީ ހުންނަނީ މާލޭގައި ފެންމަތީގައި ތަރައްގީކުރި ފުރަތަމަ ޕެވީލިއަންގެ ތިން ވަނަ ފްލޯގަ އެވެ. އަދި މާލޭގެ ފުރަތަމަ އޯވަހެޑް ބްރިޖް ވެސް ހިމެނޭ ރަސްފަންނުގެ މޫދަށްވާ ގޮތަށް ތިން ފްލޯއަށް ހަދާފައިވާ ޕެވީލިއަން ހުޅުވާއިރު ގްލޯރިޔާ ޖީންސް ކޮފީގެ އިތުރުން އެހެން ފްރެންޗަައިޒްތަކެއް ވެސް ގެނައުމަށް ވަނީ ނިންމައިފަ އެވެ. މިރޭ މި ހިދުމަތް ފެށީ ތިން އެންޖީއޯއެއް އެންޑޯސް ކުރުމާއެކު އެވެ.

މާލޭގެ ރަސްފަންނުގައި ތަރައްގީ ކޮށްފައިވާ ޕެވީލިއަންގައި އޮސްޓްރޭލިއާގެ މަޝްހޫރު ފްރެންޗައިޒް ބްރޭންޑެއް ކަމަށްވާ، "ގްލޯރިއާ ޖީންސް ކޮފީ" އައުޓުލެޓް ހުޅުވުން:- އަހުމަދު ޝުރާއު | އަވަސް

މިރޭ ގްލޯރިއާ ޖީންސް ކޮފީ ހުޅުވި އިރު ދުނިޔޭގެ 39 ގައުމެއްގައި މި ބްރޭންޑްގެ 800 އަށް ވުރެ ގިނަ އައުޓްލެޓް ހުރެއެވެ. މި ދުވަސްވަރަކީ ދުނިޔޭގެ މަޝްހުރު ބޮޑެތި ބްރޭންޑްތައް ރާއްޖެއަށް ތައާރަފު ކުރުން އިތުރު ދުވަސްވަރެކެވެ.

6 comment
މި ލިޔުމަށް 48 ގަޑި އިރު ވެފައިވާތީ ކޮމެންޓުކުރުމުގެ ފުރުސަތެއް ނެތް. މާފުކުރައްވާ!

ލަކީ

ތިބާގެ ޖީބް ސޭވް ކުރާނީ ހަމަ ތިބާ! ވިޔަފާރި ވެރިޔާ އުޅޭނީ ތިބާގެ ޖީބުން ފައިސާ ކޮޅެއް ނެގޭތޯ އަބަދުވެސް!

ދިސްއިޒްއިޓް

މިޒަމާނުގެ މޮޑަރން ސިޓީ އަކަށް މާލެ ހިޖްރަ ކޮށް މާލެ އަކީ އެއީ ހުރިހާ ގޮތަކުން ވެސް ލިޓިލް ޓޯކިޔޯ އަށް ހަދަން ބޭނުން ނަމަ މާލޭން ޖެހޭނެ ދަ ރާއްޖެތެރޭ ސްޓައިލް ފުރަތަމަ ވެސް ޑިލީޓް ވާން ސްވައިޕް އައުޓް އިޓް. އެއީ އެކަން އޮންނަން ޖެހޭނެ ގޮތަކީ. މާލޭގައި ވިޔަފާރި ކުރާ ނަމަ ދެން ކުރެވެން ޖެހޭނީ އެއީ ގުޅިފަޅުން ބިން ވެސް ކުއްޔަށް ހިފައިގެން އެތަނުގައި މުވައްޒަފުން ތިބޭނެ އެކޮމެޑޭޝަންސް އާއި ވާރކްޝޮޕްސް ތަކާއި އަދި އޮފީސް ސްޕޭސް އާއި އެހެނިހެން އިންފްރާސްޓްރަކްޗަރސް ތައް ވެސް ހުރެގެން ނެވެ. މާލޭގައި ހުންނަން ޖެހޭނެ ދުނިޔޭގެ ހުރިހާ ފުޑް ފްރެންޗައިސް ތައް އަދި ކްލޯތިންގް ގެ ހުރިހާ ފްރެންޗައިޒް ތައް. އަދި އޭގެ އިތުރުން ދުނިޔޭގެ މަޝްހޫރު އިންޑަސްޓްރިއަލް ބްރޭންޑްްސް ތަކުގެ އެސެމްބްލީ ޕްލާންޓްސް ތައް ހުންނަން ޖެހޭނެ ގުޅި ފަޅު ނުވަތަ ތިލަފުށީ ގައި ނުވަތަ މާލެ އާއި ވިލިގިލި އާއި ދެމެދު އޮތް ކަނޑުއޮޅި ހިއްކުމަށް ފަހު އެތަނުގައި. މީގެ ފެށުން މިފެށެނީ. ދިސް އިޒް އިޓް.

ޝީއިޒްޝީ

މާލޭގައި ބާގަ ކިންގާއި ކޮފީ ކްލަބް ހުޅުވައިފި ނަމަ އެއީ މަމެން އުފާ ކުރާ ކަމެކޭ ކޮބާ ތަމެންނަށް ފެނޭތޭ ފެނޭދޯ. ފެނޭތޭ ފެނޭދޯ. ފެނޭތޭ ފެނޭދޯ. އިޓްސް ޖަސްޓް އެނަދަރ ފްރެންޗައިސް ޑޭ ދޯ. އާފްޓަރ ކެޗިންގް ދަ މަންޑޭ ފީލިންގް މަމެން ގެ ހިތަށް ފިނި ކަން އޯއު އޯއު އޯއު މަންމަ ވެސް ބާރގަރ ކިންގް އަށް ދާން ބޭނުންވަނީއޭ ދެން ކިހިނެއް ހަދަނޫ. އޯއު އޯއު އޯއު އިޓްސް ޖަސްޓް އެނަދަރ ފްރެންޗައިސް ޑޭ އިޓްސް ޖަސްޓް އެނަދަރ ފްރެންޗައިސް ޑޭ ދޯ އެންޖޯއި މަންޑޭ ފްރެންޗައިޒް ފީލިންގް ދޯ.

ބޭނުން

މުސާރަ ބޮޑެއް ނުކުރޭ އެހެންވީމަ ދުލު ކުރީގަ ރަހަ ލާނީ ލޯނެން ނެގީމަތާ

ސސސސ

ސާބަސް

އިލްމު

މި ކޮފީ ބޯންވާނީ ކޮންމެ ހުކުރު ދުވަހެއްގައި ކަމަށް ވާނެ ކަނޑައަޅަން

April
SunMonTueWedThuFriSat
303112345678910111213141516171819202122232425262728293012345678910