ހުޅުމާލޭގައި އަޅާ ބައިނަލްއަގްވާމީ ދުވާ ޓްރެކްގެ މަސައްކަތް ނިންމައި އާންމުންނަށް ވަދެވޭ ގޮތަށް ހުޅުވާލައިފި އެވެ.
ހައުސިން ޑިވަލޮޕްމަންޓް ކޯޕަރޭޝަން (އެޗްޑީސީ) އިން ބުނީ ހުޅުމާލޭގެ ސިންތަޓިކް ޓްރެކްގެ މަސައްކަތް ހަދާ ނިންމާފައިވާ ކަމަށާއި މިއަދުން ފެށިގެން އެތަނަށް އާންމުންނަށް ވެސް އެތަނަށް ވަދެވޭނެ ކަމަށެވެ. އެ ތަނުގައި އަދިވެސް މަރާމާތުގެ ބައެއް މަސައްކަތްތައް ކުރިޔަށް ދާ ކަމަށާއި ނަމަވެސް ދުވާ ޓްރެކް ބޭނުން ކުރެވޭނެ ކަމަށް އެޗްޑީސީ އިން ބުންޏެވެ.
ޗައިނާގެ ބެއިޖިން އާބަން ކޮންސްޓްރަކްޝަން ގުރޫޕްގެ ސީއެސްއާރުގެ މަސައްކަތެއްގެ ދަށުން ހަދާފައިވާ ދުވާ ޓްރެކްގެ މަސައްކަތް ފެށި އިރު ރާވާފައި ވަނީ މިދިޔަ އަހަރު ޑިސެމްބަރު މަހުގައި މަސައްކަތް ނިންމާލުމަށެވެ. ދުވާ ޓްރެކްގެ އިތުރުން އެތަނުގައި ފުޓުބޯޅަދަނޑެއް ވެސް އަޅަ އެވެ. އެ މަސައްކަތް އަދިވެސް އޮތީ ނުނިމި އެވެ.