ފެންވައިރު ކުރުމުގެ ދާއިރާގައި ހަރަކާތްތެރިވާ ފަރާތްތަކަށް ހާއްސަކޮށްގެން "ކޯލާ" ބްރޭންޑްގެ ސާމާނު ބޭނުންކުރުމާއި އެކަމާ ގުޅޭ ޓްރޭނިން ސެޝަންތަކެއް އެލިއާ އިންވެސްޓްމަންޓްގެ ފަރާތްތުން މިއަދު ބާއްވައިފި އެވެ. އެ ސެޝަންތަކަށް ވަރަށް ބޮޑު ތަރުހީބެއް ވަނީ ލިބިފަ އެވެ.
ސިޓްރޮންގައި ބޭއްވި މި ތަމްރީން ޕްރޮގްރާމްގައި މައުލޫމާތު ދީފައި ވަނީ "ކޯލާ"ގެ މި ސަރަހައްދުގެ އިސް އޮފިޝަލުންނާއި އެލިއާގެ ޓެކްނިކަލް ޓީމުގެ މުވައްޒަފުންނެވެ. މި ތަމްރީން ޕްރޮގްރާމުގައި ތަފާތު އެކި ދާއިރާތަކުގެ މީހުން ބައިވެރިވެފައިވެ އެވެ.
އެލިއާ އިން ބުނީ މި ތަމްރީން ޕްރޮގްރާމުގެ މައިގަނޑު މަގުސަދަކީ މި ބްރޭންޑުގެ ސާމާނު ބޭނުންކޮށްގެން ފެންވައިރުކުރުމުގެ މަސައްކަތް ކުރާ މީހުންނަށް ހާއްސަކޮށްގެން ޓެކްނިކަލް ޓްރެއިނިން ތަކެއް ދިނުން ކަމަށެވެ. މީގެ ކުރިންވެސް އެލިއާއިން ވަނީ މިފަދަ ތަމްރީން ޕްރޮގްރާމްތަކެއް ބާއްވައި މީހުން ހޭލުންތެރި ކުރުވައިފަ އެވެ.
އެ ކުންފުނިން ބުނީ ކޯލާ ފަދަ ބްރޭންޑުތަކުގެ ސަބަބުން ފެންވައިރު ކުރުމާއި އިންސްޓޮލޭޝަންގައި ދިމާވާ އުނދަގޫތައް މަދުކޮށް ދޭނެ ކަމަށެވެ. އަދި މި ތަމްރީންތަކުގެ ބައިވެރިންނަށް ފެންވައިރު ކުރުމުގައި ދިމާވާ މައްސަލަތައް ހައްލުކުރާނެ އުކުޅުތައް ވަނީ ކިޔައިދީފަ އެވެ. ކޯލާގެ ޓްރޭނިންތައް މިއަދު ބޭއްވީ، ސިޓްރޮން ރެސްޓޯރަންޓުގަ އެވެ.
އެލިއާ އިންވެސްޓްމެންޓުން އަކީ، ޔޫރަޕްގެ މަޝްހޫރު ކޯލާ ބްރޭންޑު ރާއްޖެ، ގެނެސް މާކެޓްކޮށް ވިއްކަމުން އަންނަ ހަމައެކަނި ކުންފުންޏެވެ. އެލިއާއިން މި އުފެއްދުން ރާއްޖެއަށް ތައާރަފު ކުރީ 2013 ވަނަ އަހަރު އެވެ. އެލިއާއިން ކޯލާ ބްރޭންޑުގެ ސާމާނު ވިއްކަނީ އެ ކުންފުނިން މަޖީދީ މަގުގައި މިފަހުން ހުޅުވި ހާޑްވެއާ ފިހާރައިން އެވެ.