ހަބަރު

ޝުމްބާގެ ބަންދު ވެސް ރިވިއު ކުރަނީ

ޝުމްބާ މީގެކުރިން ކޯޓަށް ހާޒިރުކުރުމަށްފަހު ގެންދަނީ- ފޮޓޯ: އަހުމަދު އަންވަރު
0%
0%
0%

ބިރު ދެއްކި ކަމުގެ މައްސަލައެއްގައި ދައުވާ ކޮށްފައިވާ ސޯޝަލް މީޑިއާ އެކްޓިވިސްޓް އަހުމަދު އަޝްރަފް، ޝުމްބާގެ ބަންދު ގިނަ ދުވަސްތަކަކަށް ފަހު ރިވިއުކުރަން ކުރިމިނަލް ކޯޓަށް މައްސަލައެއް ހުށަހަޅައިފި އެވެ.

ޝުމްބާގެ ޝަރީއަތް މެދުކެނޑިފައިވާތާ ގިނަ ދުވަސްތަކެއްވެފައިވަނިކޮށް އޭނާ ގޭބަންދަށް ބަދަލުކުރީ މިދިޔަ އަހަރުގެ މާޗް މަހުގެ ތެރޭގަ އެވެ. އޭގެ ފަހުން ވެސް އެ ޝަރީއަތުގެ އަޑުހުމެއް ނުބާއްވަ އެވެ.

ޝުމްބާގެ މައްޗަށް ދައުލަތުން އުފުލާފައިވަނީ، ބިރު ދެއްކުމުގެ ކުށުގެ ދައުވާ އެވެ. އެ ދައުވާގައިވާ ގޮތުން، ޝުމްބާ ބިރު ދައްކާފައިވަނީ ޕީޕީއެމްގެ ކައުންސިލް މެންބަރު އަދި ނިއުޕޯޓް ރެސްޓޯރެންޓް ހިންގާ ޒާހިދު ރަމީޒަށެވެ.

އޭނާއަށް އުފުލާފައިވާ ދައުވާ ސާބިތުވެއްޖެނަމަ އަންނާނެ ހުކުމަށްވުރެ ވެސް ގިނަ ދުވަހަށް ޝުމްބާ މިހާރު ބަންދުގައި ބަހައްޓާފައިވާއިރު އަންނަ އާދިއްތަ ދުވަހަށް މައްސަލާގެ އަޑުއެހުމެއް ވަނީ ތާވަލުކޮށްފަ އެވެ.

ކުރީގެ ނައިބު ރައީސް އަހުމަދު އަދީބާ ގާތް ގުޅުމެއް އޮންނަ، ޝުމްބާ ހައްޔަރުކޮށްފައިވަނީ އަދީބު ހައްޔަރުކުރުމަށްފަހު ލަންކާއިންނެވެ.

Send us your opinion
މި ލިޔުމަށް 48 ގަޑި އިރު ވެފައިވާތީ ކޮމެންޓުކުރުމުގެ ފުރުސަތެއް ނެތް. މާފުކުރައްވާ!
April
SunMonTueWedThuFriSat
303112345678910111213141516171819202122232425262728293012345678910