ފަނަރަ ރަށަކަށް ކޯޓު މެޖިސްޓްރޭޓުން އައްޔަންކުރަން ކުރަން ޖުޑިޝަލް ސާވިސް ކޮމިޝަން (ޖޭއެސްސީ) އިން ނިންމައިފި އެވެ.
ޖޭއެސްސީން މިއަދު ބުނީ، 15 ރަށަކަށް މެޖިސްޓްރޭޓުން ކަނޑައަޅާފައިވަނީ އެ ކޮމިޝަންގެ ބައްދަލުވުމުގައި ނެގި ސިއްރު ވޯޓަކުން ކަމަށެވެ.
މިއަދު މެޖިސްޓްރޭޓުން ހަމަޖައްސާފައިވަނީ ކ ތުލުސްދޫ، ކ ގުޅި، ފ ދަރަނބޫދޫ، ދ ހުޅުދެލި، ސ ފޭދޫ، ތ ތިމަރަފުށި، އދ ގއ ވިލިނގިލި، ދިގުރަށް، ޏ ފުވައްމުލައް، ރ ދުވާފަރު، ލ ގަން، ރ އަލިފުށި، ށ ފޯކައިދޫ އަދި ކ ކާށިދޫ ކޯޓަށެވެ.
މި ބޭފުޅުން މަގާމުގެ ހުވާ ކުރައްވާނެ ދުވަހެއް އަދި ނޭނގެ އެވެ. ކޯޓުތަކުގެ މެޖިސްޓްރޭޓުންނަށް މުސާރަ އާއި އިނާޔަތްތުގެ ގޮތުގައި މަހަކު 25،600 ލިބިވަޑައިގަންނަވާނެ އެވެ.